Voś jak siłaviki atrymali dostup da bota «Biełaruskaha Hajuna»
Heta patłumačyŭ sam Anton Matolka. Reč u zakrytym čacie, u jaki dasyłalisia źviestki z bota.
Anton Matolka, stvaralnik manitorynhavaha prajekta «Biełaruski Hajun», u svaim telehram-kanale raspavioŭ, što adbyłosia z botam. Uzłamany nie sam bot — siłaviki atrymali dostup u čat, u jaki pierasyłalisia paviedamleńni z bota.
Časta praca z botami arhanizujecca tak — stvarajecca čat, kudy dadajecca kantaktny bot. Paviedamleńni z bota pierasyłajucca ŭ čat, kab usie administratary abo ludzi, jakija apracoŭvajuć infarmacyju, mahli pracavać sa zvarotami.
Anton Matolka raskazaŭ, što nie była adklikanaja spasyłka dla ŭstupleńnia ŭ hety čat, stvoranaja jašče 2 sakavika 2022 hoda. Taksama ŭ naładach supołki nie stajała paznaka «schavać paviedamleńni dla novych karystalnikaŭ». Nieviadoma, jakim čynam siłaviki atrymali spasyłku, ale, mahčyma, praź niekaha z zatrymanych.
Takim čynam, niejki akaŭnt (imavierna, jon naležaŭ biełaruskim śpiecsłužbam) uvajšoŭ u zakryty čat, dzie była pierapiska z botam, i zmoh całkam jaje spampavać.
«Naša Niva» — bastyjon biełaruščyny
PADTRYMAĆCiapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary
«Anton Matolka raskazaŭ, što nie była adklikanaja spasyłka dla ŭstupleńnia ŭ hety čat, stvoranaja jašče 2 sakavika 2022 hoda. Taksama ŭ naładach supołki nie stajała paznaka «schavać paviedamleńni dla novych karystalnikaŭ».
Navošta heta usie uvohule zachoŭvajecca??