Łaŭroŭ zajaviŭ, što nie bačyŭ trochetapnaha mirnaha płanu pa Ukrainie
Ministr zamiežnych spraŭ Rasii Siarhiej Łaŭroŭ zajaviŭ, što delehacyi Rasii i ZŠA dasiahnuli ŭzajemarazumieńnia pa roznych pytańniach, ale heta nie abaviazkova aznačaje, što ich pazicyi zblizilisia.
Łaŭroŭ prakamientavaŭ rasijskim žurnalistami paviedamleńni ab tym, što ZŠA i Rasija nibyta raspracavali trochetapny płan pa zakančeńni vajny, jaki praduhledžvaje spynieńnie ahniu, vybary va Ukrainie i tolki potym — mirnaje pahadnieńnie.
Kiraŭnik MZS Rasii zajaviŭ, što jon nie bačyŭ taki płan, ale bačyŭ paviedamleńni pra płan, jaki śpiecpasłańnik ZŠA pa Rasii i Ukrainie Kit Kiełah nibyta pradstaviŭ Polščy. Hety płan, ź jahonych słoŭ, amierykanskaja delehacyja ŭ Er-Ryjadzie nazvała fejkam.
Kamientujučy mahčymyja pieramovy ab Ukrainie, Łaŭroŭ skazaŭ, što spačatku ZŠA, a zatym Rasija pavinny pryznačyć pradstaŭnikoŭ, paśla čaho baki pačnuć rehularnyja kansultacyi.
Kamientary