Z pačatku hoda ŭ Biełarusi pravalilisia pad lod i patanuli piać čałaviek
Jašče 14 čałaviek atrymałasia vyratavać, pra heta «Minsk-Novosti» raspaviali ŭ Respublikanskim centry kiravańnia i reahavańnia na nadzvyčajnyja situacyi MNS Biełarusi.
Z 14 vyratavanych dvoje — dzieci. Rybaki praciahvajuć vychodzić na lod padčas adlihi, raskazali ŭ centry.
Śpiecyjalisty prapanujuć tym, chto ŭsio ž vychodzić na lod, apranać vyratavalnyja kamizelki — heta dazvalaje daŭžej pratrymacca na vadzie ŭ vypadku krytyčnaj situacyi.
«Uzimku la pravalenaha pad lod na vyratavańnie jość kala dziesiaci chvilin», — padzialiłasia pradstaŭnica centra Natalla Navumava.
Kali vy zaŭvažyli čałavieka, jaki pravaliŭsia ŭ vadu, treba nieadkładna patelefanavać pa numarach 101 ci 112. Biehčy da paciarpiełaha nie varta — treba lehčy na lod i padać čałavieku što-niebudź, čym možna jaho vyciahnuć. Naprykład, viaroŭku, šalik ci halinki.
«Jak tolki pravaliŭsia schopicca, pačynajcie ciahnuć jaho da bieraha. Nie varta pieraaceńvać svaje siły. Kali ŭdałosia dapamahčy čałavieku vybracca na lod, to spaŭzać lepš pa adnym. Zatym paciarpiełaha treba dastavić u ciopłaje pamiaškańnie, źniać mokruju vopratku, pieraapranuć u što-niebudź suchoje, achinuć u koŭdru i pieradać miedycynskim rabotnikam», — skazała jana.
Kali vy sami paciarpieli, to treba nie panikavać, a ściahnuć ź siabie ciažkija rečy i paklikać pa dapamohu.
«Varta navalicca hrudźmi na lod, zakinuŭšy pravuju ci levuju ruku, a zatym nohi. Adrazu ž ustavać nie varta, nieabchodna prapaŭźci niekalki mietraŭ napierad, kab nie pravalicca znoŭ. Paŭźci varta ŭ toj bok, adkul pryjšli, bo tam lod užo pravierany na tryvałaść», — praciahnuła śpiecyjalistka.
Kamientary