Jašče ŭ adnym minskim kvartale źbirajucca źnieści ŭsie dvuchpaviarchoviki. Idzie hramadskaje abmierkavańnie
U stalicy pazbaŭlajucca ad dvuchpaviarchovych damoŭ 20 stahodździa. Ciapier uzialisia za žyłyja damy ŭ rajonie Łahojskaha traktu. Pad znos chočuć adpravić 25 žyłych damoŭ.
Z 16 pa 30 krasavika 2025 hoda ŭ Minsku prachodzić hramadskaje abmierkavańnie źmien u prajekcie detalovaha płanavańnia terytoryi, jakaja znachodzicca ŭ miežach vulic Kalcova, Łahojskaha traktu, Šyrokaj i Uschodniaj. Havorka idzie pra ŭčastak płoščaj 21,9 hiektara ŭ Savieckim rajonie stalicy.
Heta terytoryja adnosicca da zony šmatkvaternaj žyłoj zabudovy. Jaje atačajuć važnyja haradskija mahistrali — Łahojski trakt i vulica Šyrokaja, a taksama vulicy Kalcova i Uschodniaja. Pa paŭdniova-ŭschodnim krai prachodzić tramvajnaja linija. Rajon maje dobruju transpartnuju suviaź i vialiki patencyjał dla raźvićcia.
Pad znos u bližejšyja hady chočuć adpravić 25 dvuchpaviarchovych damoŭ. Praź niekalki hadoŭ pavinny źniknuć usie małapaviarchoviki kvartała.
Taksama źnieści źbirajucca 5 administracyjnych budynkaŭ — budynak ŽREA Savieckaha rajona na Uschodniaj, 190, budynak ŽEU №3 na Palihrafičnaj, 29, administracyjny budynak na Palihrafičnaj, 31a, Vajenny kamisaryjat Minskaha rajona na Kalcova, 15a i budynak «Minskvodabud» na Šyrokaj, 4.
Zamiest usich hetych budynkaŭ buduć uźviedzieny šmatkvaternyja žyłyja damy, u kvartale źjaviacca šmatuzroŭnievyja haražy-stajanki i moduli dla zaradki elektramabilaŭ.
Adznačajecca, što da 2030 hoda kolkaść nasielnictva kvartała moža pavialičycca z 5 da 6,5 tysiačy čałaviek.
Dzie aznajomicca i jak pakinuć svaje prapanovy
Pahladzieć ekspazicyju prajekta možna z 16 pa 30 krasavika pa budniach z 9:00 da 20:00, u subotu — z 9:00 da 13:00 (akramia niadzieli) u faje budynka administracyi Savieckaha rajona (vuł. Daraševiča, 8).
Taksama prajekt budzie pradstaŭleny na sajcie administracyi Savieckaha rajona: sov.minsk.gov.by u raździele «hramadskija abmierkavańni». Prezientacyja prajekta budzie dastupnaja anłajn z 18 pa 30 krasavika.
Svaje zaŭvahi i prapanovy možna dasyłać u piśmovym abo elektronnym vyhladzie z paznakaj «hramadskaje abmierkavańnie»:
-
paštovy adras: h. Minsk, vuł. Daraševiča, 8, kab. 213;
-
elektronnaja pošta: sov.stroi@minsk.gov.by.
Kamientary
20 hod kancepcyi ahresiŭnaha ŭščylnieńnia Minska. I 20 hod ahresiŭnaha plavuzhańnia "U Minsku bolš budavać nie budziem". Kažuć adno, robiać druhoje.
Kali ty nie bačyš tut pierśpiektyŭ, usio prosta: spyni ŭsie adnaŭleńni PDP z hramadskimi abmierkavańniami, spyni novaje budaŭnictva, zamaroź "Paŭnočny bierah", płany na "Zialony bor" i h.d.
Tolki adna kampanija A100 robić dla ludziej. Astatnija biezhustoŭnyja mankurty
>za takoje hnać treba
Nu tak, tak, viaźni kanclahieru buduć hnać vartavych na viežach za toje što jany ich zapchali ŭ baraki ź niedachopam vyhod. I zanadta šeraje adzieńnie vydali. I miasa nie vydajuć na viečar. Jak ža tak! Treba napisać skarhu ŭ rajvykankam SS i padać u "sud". A moža navat sabracca, prajści maršam ad baraka numar 3 da baraka numar 13 dy padaravać vartaŭnikam kvietki ŭ znak pratestu. Kožny raz takoje čytaju i nie viedaju ci to śmiajacca, ci to płakać ad taho jak suajčyńniki ŭsprymajuć realnaść.