Alenu sudzili pavodle artykułu 411.
Alenu Łazarčyk pakarali dadatkovym terminam źniavoleńnia na paŭtara hoda, piša Biełsat.
Pakul nieviadomaja data vyniasieńnia prysudu, ale viadoma, što Alenu Łazarčyk sudzili pavodle artykułu 411 — «Złosnaje niepadparadkavańnie patrabavańniam administracyi papraŭčaj ustanovy». Na sudzie Alena admoviłasia ad pasłuh advakata. Žančynu pakarali dadatkovym terminam źniavoleńnia — 1,5 hoda.
Alena Łazarčyk stała druhoj palitźniavolenaj žančynaj, jakuju sudzili pavodle artykułu 411. Pieršaju była Palina Šarenda-Panasiuk.
Alenu Łazarčyk trymajuć za kratami z 30 śniežnia 2021 hoda. Jaje pakarali źniavoleńniem na 8 hadoŭ pavodle niekalkich artykułaŭ: «narodny» artykuł 342 za ŭdzieł u pratestach, a taksama 130 — raspalvańnie varožaści, 361-1 — udzieł u ekstremisckim farmavańni, 368 — źniavaha Łukašenki.
Administracyja žanočaj kałonii № 4 skłała pratakoły za nibyta parušeńnie praviłaŭ unutranaha rasparadku. Viadoma, što administracyi kałoni1 davoli časta vykarystoŭvajuć artykuł 411 u dačynieńni palitviaźniaŭ, ale sudy zvyčajna karajuć abvinavačanych hodam źniavoleńnia. Dla Aleny Łazarčyk abrali bolš žorstkaje pakarańnie. Ciapier Alena ŭ SIZA № 3 u Homieli.
Krynicy «Biełsatu» paviedamili, što Alena nie padavała skarhi na prysud, tamu jaje mohuć etapavać u kałoniju najbližejšym časam. Nie vyklučana, što jaje mohuć nakiravać adbyvać pakarańnie ŭ papraŭčuju kałoniju № 24, što ŭ Zareččy Rečyckaha rajonu na Homielščynie.
U Aleny na voli zastajucca dzieci, u tym liku adzinaccacihadovy syn.
-
«Novych piatrušak vypuścili, chutka paśmiajomsia». Boty jak pa mietadyčcy kamientujuć vyzvaleńnie palitviaźniaŭ
-
Bialacki pra pieršy dzień na voli: Psichałahična ja dzieści jašče tam, ale situacyja dla mianie nie novaja
-
Jaŭhien Bułka: Siońnia taki dzień, kali kožny biełarus maje prava na čyrvonuju pamadu
Ciapier čytajuć
Vyzvalenym i departavanym va Ukrainu palitviaźniam nie addali pašparty5
Kamientary