Kampanija EPAM abviaściła pra źmienu kiraŭnictva. Arkadź Dobkin pakidaje pasadu CEO, skazana ŭ pres-relizie kampanii.
Zasnavalnik i šmathadovy kiraŭnik mižnarodnaj IT-kampanii EPAM Systems Arkadź Dobkin pakidaje pasadu hałoŭnaha vykanaŭčaha dyrektara (CEO). Heta aznačaje zaviaršeńnie cełaj epochi dla kampanii, jakuju jon uznačalvaŭ z momantu jaje zasnavańnia ŭ 1993 hodzie.
Z 1 vieraśnia jon piarojdzie na pasadu vykanaŭčaha staršyni. Dobkin «zasiarodzicca na prasoŭvańni stratehičnych inicyjatyŭ i padtrymcy bieśpierapynnaści misii EPAM, pakolki kampanija ŭstupaje ŭ nastupny etap svajho raźvićcia», skazana ŭ pres-relizie.
Hałoŭnym vykanaŭčym dyrektaram i prezidentam EPAM stanie Bałaž Fieješ (jon prezident EPAM pa hłabalnym biznesie i dyrektar pa dachodach).
«Na praciahu apošnich troch dziesiacihodździaŭ EPAM byŭ vyznačalnym prajektam u maim prafiesijnym i asabistym šlachu», — pryvodziacca słovy Dobkina. «My pačynali z prostaj viery ŭ siłu hłabalnych talentaŭ i pierakananaści ŭ tym, što prahramnaje zabieśpiačeńnie moža źmianić śviet. Siońnia, majučy bolš za 61 000 śpiecyjalistaŭ u bolš čym 55 krainach, EPAM uznačalvaje namahańni pa ličbavaj transfarmacyi pa ŭsim śviecie i raspaŭsiudžvaje svoj upłyŭ na adukacyju, ustojlivaje raźvićcio i humanitarnyja inicyjatyvy».
U 2025-m hadavy dachod kampanii pieravysiŭ 5 miljardaŭ dalaraŭ.
Ciapier čytajuć
«Staŭleńnie jak da skaciny». Prarasijski błohier raskazaŭ pra 25 sutak ŭ IČU5
«Staŭleńnie jak da skaciny». Prarasijski błohier raskazaŭ pra 25 sutak ŭ IČU
«Moža, bajaŭsia zastavacca ŭ šlubie sa mnoj, bo pracuje na BT». Nastaŭnica, jakaja źjechała praz danosy Bondaravaj, raspaviała pra razvod i žyćcio ŭ emihracyi1515
Kamientary