Asudžany za karupcyju homielski čynoŭnik atrymaŭ novuju vysokuju pasadu
Asudžany za karupcyju były kiraŭnik administracyi Čyhunačnaha rajona Homiela Alaksandr Sivakoŭ paśpiachova ŭładkavaŭsia ŭ inšuju dziaržaŭnuju ŭstanovu, a jaho byłaja namieśnica — Natalla Žuk — znajšła pracu ŭ pryvatnaj struktury. Heta vyśvietliŭ «Fłahštok» z dapamohaj «Kibierpartyzanaŭ».
Abodva čynoŭniki byli zatrymanyja i asudžanyja ŭ 2023 hodzie. Jak paźniej stała viadoma, ich abvinavacili ŭ pieravyšeńni słužbovych paŭnamoctvaŭ, prypisaŭšy šeść epizodaŭ uzhadnieńnia pazyk dla čatyroch kamiercyjnych arhanizacyj, raźmieščanych u Čyhunačnym rajonie, kab tyja zmahli svoječasova vypłacić zarabotnuju płatu svaim supracoŭnikam. Niavypłata zarpłaty ŭ termin na hetych pradpryjemstvach paciahnuła b dyscyplinarnuju i materyjalnuju adkaznaść dla pradstaŭnikoŭ administracyi.
Abodvuch pryhavaryli da troch hadoŭ pazbaŭleńnia voli z adterminoŭkaj vykanańnia pakarańnia na dva hady. To-bok, byłyja čynoŭniki zastalisia na voli.
Jak vyśvietliłasia, užo ŭ kancy 2023 hoda Sivakoŭ zaniaŭ pasadu va Upraŭleńni kapitalnaha budaŭnictva Homielskaha harvykankama. A zatym pajšoŭ na pavyšeńnie i ŭładkavaŭsia ŭ Homielskaje abłasnoje ŭpraŭleńnie kapitalnaha budaŭnictva. Ciapier 55-hadovy eks-čynoŭnik pracuje ŭ abłasnym UKBu jakaści namieśnika hienieralnaha dyrektara pa žyllovym budaŭnictvie.
Natalla Žuk — užo na piensii, tym nie mienš, taksama adrazu znajšła novaje miesca, na jakim pracavała prynamsi da kanca 2024 hoda. Heta viadomaja ŭ Homieli pryvatnaja kampanija «Biekier-Sistem», vytvorca PVCH-voknaŭ. Pasada byłoj čynoŭnicy nieviadomaja — na sajcie kampanii jana nie zhadvajecca.
Kamientary
[Zredahavana]
A, tak jemu sud zaprietił v tiečienije 5 let zanimať rukovodiaŝije dołžnosti liš v orhanach ispołnitielnoj vłasti, a nie voobŝie... Na hospriedprijatijach jemu možno.)
Miłosti prosimo obratno, takije (nadiožnyje) ludi nam jeŝio nužny.