Deputaty pajšli pa kramach inśpiektavać čyrvona-zialonyja ściažki. I zrabili zaŭvahi kiraŭnictvu
Deputaty praviarali, ci pravilna pradajuć dziaržsimvoliku ŭ kramach. Spadabałasia im nie ŭsio.
Deputaty z kamisii pa žyllovaj palitycy, handli i budaŭnictvie prybyli z pravierkaj u 30 kramaŭ u Minsku, Homieli, Śvietłahorsku, Stolinie i Vaŭkavysku.
Jany praviarali najaŭnaść u šyrokim asartymiencie tavaraŭ ź dziaržaŭnaj simvolikaj, uzrovień cen na ich, vykanańnie paradku vykładki hetych tavaraŭ, u tym liku pobač z kasami.
Jak adznačyli deputaty, u kramach pradajucca ściažki, butańjery, błaknoty, posud i padarunkavaja ŭpakoŭka.
Papiarovy ściažok na pałcy, jak zajaŭlajecca, kaštuje ad 0,75 da 2,00 rubla, tkaninny na pałačcy — ad 7,06 da 7,99 rubla, papiarovy na padstaŭcy — 2,40 rubla, tkaninny na padstaŭcy — ad 9,72 da 17,38 rubla.
Ale spadabałasia deputatam nie ŭsio. Kiraŭnikam niekatorych kramaŭ jany zrabili zaŭvahu ab niapravilnaj vykładcy ściažkoŭ. Pa praviłach, simvoliku treba vykładać tak, kab jana vydzialałasia na fonie inšych tavaraŭ. Akramia taho, pavinna być tablička «Dziaržaŭnyja simvały Respubliki Biełaruś» — vidavočna, kab nichto dakładna nie zbłytaŭ.
Asudžany za «Hajun» da chimii brat Ihara Łosika ŭciok ź Biełarusi3
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary