«Alo, ideołahi, vy tam zusim ku-ku?»: biełarus aburyŭsia šalonym koštam papiarovaha čyrvona-zialonaha ściažka
Emacyjanalny dopis u treds pakinuŭ biełarus, jaki pabačyŭ, kolki kaštuje nastolny papiarovy čyrvona-ziolany ściažok u kramie «Susiedzi». «U druhich krainach heta pryniata biaspłatna razdavać!» — pierakanany jon.
Mužčyna sfatahrafavaŭ ceńniki na palicy pad nazvaj «Dziaržaŭnyja simvały». Bačna, što prościeńkaja stužka z kvietkaj jabłyni (aficyjny simvał łukašenkaŭskich mierapryjemstvaŭ, pryśviečanych vajnie) kaštuje 2 rubli 26 kapiejek. A za minijaciurny čyrvona-zialony ściah, jaki možna pastavić na stoł, prosiać ažno 17 rubloŭ 38 kapiejek. Zrobleny tavary ŭ Biełarusi.
«Mianie źbiantežanaść biare ad našych ideołahaŭ. 17 rubloŭ za papiarovy ściažok na płastykavaj pałačcy? Alo, vy tam zusim ku-ku? Mnie chaciełasia b daviedacca firmu-vytvorcu, jakaja zarablaje pracentaŭ z 800 na takich tavarach. U inšych krainach heta pryniata biaspłatna razdavać. MARH u kursie?» — napisaŭ u treds aburany biełarus.
Mierkavańni ŭ kamientaryjach padzialilisia, navat kali adkinuć žarty na temu taho, kamu ŭ pryncypie moža być patrebny taki ściažok. Niechta pahadziŭsia z aŭtaram, što ceny na «patryjatyčnyja» tavary daloka nie humannyja: «Bačyła ŭ kramie butańjerku (zvyčajnaja stužačka) za 6 rubloŭ. Skazać, što ja była ŭ šoku — ničoha nie skazać», «U nas butańjerki napiaredadni śviata pradavali pa 9 rubloŭ. I toje nie takija, jak zaraz patrabujuć».
Ale ž byli i tyja, chto znajšoŭ apraŭdańnie vysokim koštam: «A čamu ŭ nas musić być jak u inšych krainach? My sami sabie haspadary! A cana takaja pravilnaja, heta nie tavary pieršaj nieabchodnaści. Pakryć rastraty na śviaty taksama treba. U nas niama ni nafty, ni hazu. Nie zadavalniaje košt — nie kuplajcie».
Darečy, možna zhadać historyju alimpijskaha čempijona Alaksieja Hryšyna, jaki zhubiŭ 20 tysiač dalaraŭ, kali sprabavaŭ handlavać u Biełarusi napiaredadni Dnia pieramohi kałaradskimi «hieorhijeŭskimi» stužkami ŭ 2012 hodzie. Tady na jaho składzie zastałosia kala 250 tysiač tych stužak — nikomu nie patrebnych. Hryšyn kazaŭ, što płanavaŭ sabrać na prodažy hrošy dla spartsmienaŭ ź invalidnaściu, adnak biełarusy jaho ideju nie padtrymali i nabyvać stužki nie kinulisia.
Mierkavanaja dačka Łukašenki Kryścina Mocnaja apublikavała svajo sełfi na trybunie padčas parada
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Tur nie budzie nasić hieorhijeŭskuju stužku, ale pryčyna nie taja, što vy padumali
«Atmaśfiera śviata»: samy vialiki čyrvona-zialony ściah nieśli pa Minsku ŭ hrabavoj cišyni VIDEA
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim7
Kamientary
Nu, moža jašče jakoje durnoje "fiźlico" kupić.