Ułady Biełarusi znoŭ uvodziać abmiežavańni na ŭvoz tavaraŭ z draŭniny. Adpaviednaja pastanova ŭrada źjaviłasia na Nacyjanalnym pravavym partale. Ciapier kab impartavać, naprykład, DSP, fanieru, draŭlanyja vokny, dźviery, meblu ci kardonnuju ŭpakoŭku, treba budzie atrymać adnarazovuju licenziju.
Vydavać licenzii budzie Ministerstva antymanapolnaha rehulavańnia i handlu, uzhadniajučy dziejańni z kancernam «Biellespapierpram». Kali ž padobnyja tavary vyrablajucca ŭ Biełarusi, kancern moža admović u licenzii.
Isnujuć, adnak, vyklučeńni — licenzija nie spatrebicca dla tavaraŭ z krain JEAES, humanitarnaj dapamohi, tranzitnych hruzaŭ i drobnych partyj, koštam da 1000 jeŭra.
Hetyja praviły pačnuć dziejničać praź miesiac i buduć aktualnyja na praciahu siami miesiacaŭ.
Takija miery ŭvodzilisia i raniej, pačynajučy z 2022 hoda. Paśla taho jak u studzieni 2025 abmiežavańni skasavali, «Biellespapierpram» vystupiŭ za ich viartańnie, kab padtrymać ajčynnuju vytvorčaść.
Taksama paviedamlałasia, što paśla ŭviadzieńnia sankcyj Biełaruś nie zmahła adnavić raniejšyja abjomy narychtoŭki draŭniny.
Ciapier čytajuć
Kamientary