Hazieta The Washington Post daviedałasia ad svaich krynic novyja padrabiaznaści, jakija spadarožničali vostraj publičnaj svarcy, jakaja apošnija dni idzie pamiž prezidentam ZŠA Donaldam Trampam i miljarderam Iłana Maskam.
Pavodle śviedčańnia krynicy ŭ administracyi prezidenta ZŠA, Donald Tramp byŭ mocna zasmučany hetym kanfliktam i vielmi pieražyvaŭ razryŭ adnosin z samym bahatym čałaviekam u śviecie.
Jon navat telefanavaŭ z hetaj nahody jak blizkim davieranym asobam, tak i vypadkovym znajomym, i ŭ adnoj z razmoŭ nazvaŭ Maska «zajadłym narkamanam».
Pavodle vydańnia, pryčynaj napružańnia stała zaniepakojenaść Trampa tym, što Mask moža ŭžyvać narkotyki. Pry hetym jon sam nibyta da apošniaha prajaŭlaŭ strymanaść:
«Paśla svajho supraćstajańnia z Maskam u čaćvier jon zaklikaŭ atačeńnie nie padlivać aleju na ahoń, pa słovach dvuch čałaviek, znajomych ź jaho pavodzinami. Jon skazaŭ vice-prezidentu Džej Dzi Vensu być aściarožnym u tym, jak jon publična vykazvajecca pra situacyju z Maskam», — piša hazieta.
Vydańnie taksama pryvodzić incydent, jaki adbyŭsia ŭ siaredzinie krasavika. Paśla sustrečy ŭ Trampa Mask i ministr finansaŭ Biesient nie syšlisia ŭ mierkavańniach z nahody pryznačeńnia adnaho z čynoŭnikaŭ. Na vychadzie z Avalnaha kabinieta jany pačali abmieńvacca abrazami:
«Paśla Mask udaryŭ plačom u hrudnuju kletku Biesienta, «jak hulec u rehbi», i Biesient udaryŭ jaho ŭ adkaz. Niekalki čałaviek umiašalisia, kab raźniać sutyčku», — piša vydańnie sa spasyłkaj na byłoha daradcu Trampa Styviena Benana.
Uvohule kanflikt pamiž Maskam i Trampam uźnik paśla taho, jak Mask pajšoŭ z pasady kiraŭnika Departamienta efiektyŭnaści ŭrada i adkryta raskrytykavaŭ zakon, jaki Tramp nazyvaŭ «vialikim i cudoŭnym». Mask taksama zajaviŭ, što bieź jaho padtrymki Tramp nie pieramoh by na vybarach.
U adkaz Tramp vystupiŭ za skasavańnie dziaržaŭnych subsidyj i kantraktaŭ dla kampanij Maska, a taksama skazaŭ, što jon «znasiŭsia» i zvarjacieŭ. Mask, u svaju čarhu, namiaknuŭ, što Tramp byŭ u «śpisach Epštejna» i zavualavana nazvaŭ jaho piedafiłam, ale potym vydaliŭ hety post.
Paźniej Mask zaklikaŭ da impičmientu Trampa i prapanavaŭ zamianić jaho na vice-prezidenta Džej Dzi Vensa.
Mask pasvaryŭsia z Trampam: prezident ZŠA ździŭleny napadkami miljardera
Tramp i Mask adkryli źniščalny ahoń adzin u adnaho
Bahaćcie Iłana Maska za adzin dzień skaraciłasia na $34 młrd paśla svarki z Trampam
«Bačyš, palityka nie takaja prostaja». Radasłaŭ Sikorski padkałoŭ Iłana Maska
Iłan Mask nazvaŭ hałoŭny zakonaprajekt Trampa «ahidnaj hniusnaściu»
U Biełym domie ŭračysta praviali ź dziaržaŭnaj słužby Iłana Maska. Tramp padaryŭ jamu załaty kluč
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć99
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć9
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes21
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
Łapidarny Žabahadziukinh !