Hubiernatar Kalifornii zapatrabavaŭ adklikać Nachvardyju z Łos-Andželesa
Hubiernatar Kalifornii Hevin Ńjusam zapatrabavaŭ ad administracyi prezidenta ZŠA Donalda Trampa adklikać zahad ab raźmiaščeńni dźviuch tysiač vajskoŭcaŭ Nacyjanalnaj hvardyi ŭ Łos-Andželesie, dzie ŭspychnuli pratesty suprać dziejańniaŭ mihracyjnaha viedamstva, nazvaŭšy jaho niezakonnym.
Heta pieršy vypadak za apošnija dziesiacihodździ, kali prezident zaklikaŭ Nacyjanalnuju hvardyju biez zapytu abo zhody štata, piša Rasijskaja słužba Radyjo Svaboda.
U intervju MSNBC Ńjusam zajaviŭ, što płanuje padać u sud na administracyju, dadaŭšy, što Tramp «stvaryŭ umovy» dla pratestaŭ.
«U nas nie było prablem, pakul nie ŭmiašaŭsia Tramp. Heta surjoznaje parušeńnie dziaržaŭnaha suvierenitetu — raspalvańnie napružanaści i adtok resursaŭ adtul, dzie jany sapraŭdy patrebnyja», — napisaŭ Ńjusam u sacsietcy X.
Pry hetym načalnik palicyi Džym Makdoneł zajaviŭ na bryfinhu dla ŚMI ŭ niadzielu ŭviečary, što pratesty vychodziać z-pad kantrolu, piša ahienctva Reuters. «Niekali vialiki amierykanski horad Łos-Andželes byŭ zachopleny nielehalnymi imihrantami i złačyncami. Ciapier natoŭpy ahresiŭnych miaciežnikaŭ napadajuć na našych fiederalnych ahientaŭ, sprabujučy spynić našy apieracyi pa departacyi, ale hetyja biezzakonnyja biesparadki tolki ŭmacoŭvajuć našu rašučaść», — napisaŭ Tramp u svajoj sacsietcy Truth Social.
U niadzielu padčas pratestaŭ byli zatrymanyja 27 čałaviek. Jak piša CNN, za dzień pratestoŭcy padpalili jak minimum dva bieśpiłotnyja aŭtamabili Waymo i kidali pradmiety ŭ palicejskija mašyny. Palicyja ŭžyvała, u pryvatnaści, ślozaciečny haz i piarcovyja bałončyki dla razhonu natoŭpu.
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary