Były palitviazień Koršun asudziŭ Cichanoŭskaha: Vaźmi siabie ŭ ruki. Maich śloz nichto nie bačyć, bo ja mocny
Zaciaty krytyk Ofisa Śviatłany Cichanoŭskaj nie spyniaje pretenzij.
Były palitviazień, stvaralnik jutub-kanała «Nie biehły» Siarhiej Koršun — adzin ź niamnohich, chto raskrytykavaŭ pavodziny Siarhieja Cichanoŭskaha na pres-kanfierencyi paśla vyzvaleńnia.
Koršun paličyŭ niedarečnymi ślozy Cichanoŭskaha ŭ momant, kali toj raskazvaŭ pra sustreču z dačkoj, jakaja nie paznała jaho paśla piacihadovaha rasstańnia. I supraćpastaviŭ svaju moc «słabaści» Cichanoŭskaha.
«Rady za Siarhieja! Ale lidar pavinien trymać siabie ŭ rukach, pakul inšyja siadziać. Ja taksama časam płaču, ale maich śloz nichto nie bačyć, bo ja mocny. U efiry možna było raspłakacca, ale potym sabracca i vieści jaho jak mužčyna. Jon paśpiašyŭ z hetym efiram — treba było spačatku adyści, pryjści ŭ siabie! A płaksivaść jamu ačkoŭ nie dadaje — chłopcy (Znak, Sieviaryniec, Statkievič, Cyhanovič) i inšyja ŭsio jašče za kratami. Siarhiej Cichanoŭski, vaźmi siabie ŭ ruki, ci, jak kažam my — raskumarsia!», — napisaŭ u fejsbuku Siarhiej Koršun.
Siarhieju Koršunu 47 hadoŭ. Jon słužyŭ u milicyi, byŭ zvolnieny z orhanaŭ u 2010-m. U 2020-m dałučyŭsia da ruchu za pieramieny, byŭ aŭtaram telehram-kanała «Armija z narodam». Byŭ aryštavany ŭ lipieni 2020 i prysudžany da 4,5 hoda źniavoleńnia. Całkam adbyŭ pakarańnie, u lipieni 2024 hoda vyjšaŭ na svabodu i nieŭzabavie źjechaŭ ź Biełarusi.
Rasčaravaŭšysia ŭ tym, što adbyvajecca ŭ emihracyjnaj palitycy, Koršun razam z błohieram Siarhiejem Piatruchinym skancentravaŭsia na źniščalnaj krytycy Ofisa Śviatłany Cichanoŭskaj i inšych demakratyčnych sił.
-
«Novych piatrušak vypuścili, chutka paśmiajomsia». Boty jak pa mietadyčcy kamientujuć vyzvaleńnie palitviaźniaŭ
-
Bialacki pra pieršy dzień na voli: Psichałahična ja dzieści jašče tam, ale situacyja dla mianie nie novaja
-
Jaŭhien Bułka: Siońnia taki dzień, kali kožny biełarus maje prava na čyrvonuju pamadu
Ciapier čytajuć
Vyzvalenym i departavanym va Ukrainu palitviaźniam nie addali pašparty6
Kamientary