Polšča adnaviła kantrol na miažy ź Litvoj. Što tam ciapier adbyvajecca?

Čamu na miežach z Polščaj adnavili pahraničny kantrol?

Jašče z pačatku traŭnia 2025 hoda Hiermanija ŭzmacniła kantrol na svaich miežach i adnaviła praviła, jakoje dziejničała da 2015 hoda i zhodna ź jakim prośbitam prytułku, jakija prybyli z krain Jeŭrasajuza, mohuć admaŭlać va ŭjeździe prosta na miažy. Vyklučeńnie zachoŭvajecca tolki dla ŭraźlivych hrup, takich jak dzieci i ciažarnyja.

Polski premjer Donald Tusk byŭ niezadavoleny tym, što niamieckija pamiežniki viartajuć u Polšču prośbitaŭ prytułku. «Ciarpieńnie Polščy ŭ hetym pytańni na zychodzie, asabliva paśla źmienaŭ, jakija ŭskładniajuć sproby vyśvietlić, ci sapraŭdy asoby, jakija viartajucca ŭ Polšču, pavinny siudy traplać», — zajaŭlaŭ Tusk.

Paźniej Polšča vyrašyła adnavić pahraničny kantrol na miežach z Hiermanijaj i Litvoj, kab minimizavać patoki nielehalnaj mihracyi. 

Kałapsu nie adbyłosia

Biełarusy, jakija paśla novaŭviadzieńniaŭ jechali ź Litvy ŭ Polšču i nazad, dzielacca nazirańniami ŭ pryhraničnych čatach.

Kali razmova idzie pra pierasiačeńnie miažy na lehkavym aŭto, to pravierka prachodzić davoli chutka. Polskija pamiežniki praviarajuć dakumienty, u niekatorych prosiać adkryć bahažnik.

Litoŭski bok nie ŭvodziŭ anałahičnyja miery ŭ adkaz, tamu kantrol u zvarotnym kirunku adsutničaje — polskija pamiežniki praviarajuć tolki tych, chto zajazdžaje ŭ Polšču, a nie vyjazdžaje ź jaje.

Pavialičyć

Litoŭski žurnalist, jaki ranicaj u paniadziełak pierasiok litoŭska-polskuju miažu na aŭto ŭ punkcie propuska Łaździjaj-Aharodniki, adznačyŭ, što na miažy było biez zatoraŭ, a sama pravierka prachodziła davoli chutka.

A što z aŭtobusami? U hetym vypadku biez zatrymki pa časie nie abychodzicca.

Pravierka aŭtobusa zajmaje kala 30 chvilin. Praŭda, varta adznačyć, što polskija pamiežniki i biez uviadzieńnia časovaha kantrolu časam spyniali turystyčnyja aŭtobusy dla pravierki dakumientaŭ. Ciapier ža praviarajuć usie aŭtobusy, a nie vybaračna, jak heta było raniej.

Pavialičyć

Kolki budzie dziejničać taki režym na polska-litoŭskaj miažy, dakładna nieviadoma. Miarkujecca, što ciaham miesiaca — taki termin byŭ ahučany litoŭskim ministram unutranych spraŭ Uładzisłavam Kandratovičam, jaki ŭ subotu sustrakaŭsia sa svaim polskim kaleham.

Prezident Litvy Hitanas Naŭsieda nazvaŭ takoje rašeńnie kapitulacyjaj pierad prablemaj.

Premjer-ministr Litvy Hintaŭtas Pałuckas, u svaju čarhu, krytyčna acaniŭ rašeńnie Polščy adnavić pahraničny kantrol na miažy ź Litvoj. Pavodle jaho słoŭ, heta stvaraje značny dyskamfort i niazručnaści dla ludziej, jakija vandrujuć pa Jeŭropie.

• 0
• 0
• 1
• 2
• 0
• 3
• 1
• 1