Adkaznaść za zabojstva pałkoŭnika SBU Varoniča ŭ Kijevie ŭziała na siabie nieanacysckaja hrupoŭka «Baza»
Ukrainskaja jačejka nieanacysckaj hrupoŭki «Baza» ŭziała na siabie adkaznaść za zabojstva pałkoŭnika Słužby biaśpieki Ukrainy Ivana Varoniča, paviedamlaje The Guardian sa spasyłkaj na zajavu, apublikavanuju 16 lipienia ŭ telehram-kanale, mierkavana źviazanym z hetaj hrupoŭkaj.
«Zabojstva pałkoŭnika SBU — nie kaniec, a tolki pačatak», — pryvodzić paviedamleńnie The Guardian. U inšym dopisie, jak śćviardžajecca, dadadziena: «Palavańnie praciahvajecca!»
Pa infarmacyi krynic The Guardian u śfiery baraćby z teraryzmam, paviedamleńni vyhladajuć praŭdapadobna i śviedčać pra rost aktyŭnaści «Bazy». Surazmoŭcy vydańnia paviedamili, što ŭkrainskaja jačejka hetaj hrupoŭki aktyŭnaja z sakavika — za hety čas, pa ich słovach, jana ździejśniła nie mienš za 10 padpałaŭ abjektaŭ infrastruktury.
Charaktar złačynstva adpaviadaje zajavam i pahrozam, jakija hrupoŭka rehularna publikuje, havorycca ŭ publikacyi.
Pałkoŭnika SBU Ivana Varoniča zastrelili ranicaj 10 lipienia ŭ Hałasiejeŭskim rajonie Kijeva. Heta adbyłosia, kali jon vychodziŭ z padjezda svajho doma — nieviadomy niekalki razoŭ streliŭ u jaho ź pistaleta i źnik.
Varonič słužyŭ u Centry śpiecyjalnych apieracyj, jaki zajmaŭsia dyviersijami suprać rasijskich sił z 2014 hoda.
SBU śćviardžaje, što Varoniča zabili ahienty rasijskich śpiecsłužbaŭ pa zadańni FSB. Zhodna z paviedamleńniem SBU, ahientaŭ, hramadzian Azierbajdžana, znajšli ŭ Kijeŭskaj vobłaści. Pry zatrymańni jany akazali supraciŭ i byli zabity.
Ciapier čytajuć
«Ja chaču spraviadlivaści — i dla žančyn, i dla siabie». Ščyraja hutarka z Andrejem Stryžakom pra skandał z dykpikami, zaležnaści i budučyniu37
Kamientary
Niaŭžo iznoŭ va Ŭkrainie źjavilisia niejkija "nacysty"?