Sienicki voŭk, jakoha hieraična zastreliła milicyja, usio ž akazaŭsia sabakam. Pad pytańniem i jahonaje šalenstva
Unačy ŭ Sienickim sielsaviecie pad Minskam była zastrelenaja žyviolina, jakaja pierad tym pałochała miascovych žycharoŭ. U ludziej uźnikła sprečka: adnyja śćviardžali, što heta byŭ voŭk, inšyja — što sabaka. Kab razabracca, praviali vieterynarnuju ekśpiertyzu, i jana lasnoje pachodžańnie nie paćvierdziła, piša pristalica.by.
Jak raskazaŭ hałoŭny dziaržaŭny vieterynarny inśpiektar Minskaha rajona Hienadź Załatucha, žyviolinu hruntoŭna daśledavali i pa anatomii skivic vyznačyli, što heta ŭsio ž taki sabaka. U vaŭka skivicy značna macniejšyja, dy i zuby majuć inšuju formu.
Ciapier śpiecyjalisty sprabujuć vyśvietlić, ci byŭ hety sabaka chvory na šalenstva. Papiaredni analiz pakazaŭ admoŭny vynik, ale kančatkovy adkaz budzie viadomy tolki praz 30 dzion.
Nahadajem, što siłaviki adrazu paśla zakančeńnia apieracyi paviedamlali, nibyta hetaja žyviolina — voŭk ź vidavočnymi prykmietami šalenstva. A ministr unutranych spraŭ Ivan Kubrakoŭ daŭ ukazańnie ab zaachvočvańni supracoŭnikaŭ za samaaddanaść.
Kamientary