U Zelvienskim rajonie načalnik prasiŭ prabačeńnia paśla rolika ŭ TikTok
Miascovaja žycharka źniała, jak niedaloka ad vioski Klepačy Zelvienskaha rajona palili pustyja jomistaści ad jadachimikataŭ biez naležnaha kantrolu. Jana była aburanaja takim škodnym sposabam utylizacyi i vykłała videa ŭ tyktoku, dzie jaho pahladzieli amal 300 tysiač čałaviek, zaŭvažyła vydańnie «Pieršy».
Ludzi ŭ kamientarach vykazvali niezadavolenaść, adznačali, što nichto nie sačyŭ za tym, jak hareli kanistry.
Paśla hetaha ŭ rajonie ŭźnik vialiki rezanans i sprava dajšła da miascovaha načalstva. Kiraŭnik rajonnaj inśpiekcyi achovy pryrody Hienadź Čyhryn paćvierdziŭ fakt i skazaŭ, što škodnyja rečyvy trapili ŭ pavietra, što admoŭna paŭpłyvała na navakolnaje asiarodździe.
Akramia taho, čynoŭnik paviedamiŭ, što kanistry pavinny byli sabrać i pieradać śpiecyjalizavanym arhanizacyjam dla paŭtornaha vykarystańnia, a na miescy padpału ciapier usio prybrali.
Suprać supracoŭnikaŭ sielskahaspadarčaj arhanizacyi «Mižeryčy» i kampanii «Bijakom» za parušeńnie zakanadaŭstva ab utylizacyi adchodaŭ raspačali administracyjnuju spravu. Im pahražajuć štrafy — da 1260 rubloŭ dla asobnych słužbovych asob i da 42 tysiač dla arhanizacyi.
Asabistyja prabačeńni prynios dyrektar filijała «Mižeryčy» ŭ kampanii «Bijakom» Dźmitryj Daraškievič. Jon paabiacaŭ, što ŭ budučyni takija vypadki nie paŭtoracca i što situacyja budzie znachodzicca pad jahonym asabistym kantrolem.
U Barysavie pasprabavali adradzić dyskateki dla moładzi. Ale nie pa kani korm
Drahičynskaja rajonka vypuściła kamplimientarnaje videa pra ŭparadkavańnie horada. U kamientarach raskryli i inšy bok
Z tyktoka źnik videarolik sa zvarotam baćkoŭ daškolnikaŭ da Łukašenki. Jak vyhladaje, ničoha jany nie dabilisia
Dziaŭčynu zapisali ŭ darmajedy. Jana adkazała, što nie budzie pracavać, bo žanich zabiaśpiečvaje
Dziaŭčyna źniała na videa husty bieły dym nad Minskam. Što heta było?
Kamientary