Pucin i Si abmiarkoŭvali, jak dažyć da 150 hadoŭ. Mikrafon byŭ nie vyklučany
Tranślacyja z vajennaha parada ŭ Kitai ŭ sieradu zapisała razmovu Si, Pucina i Kima pra daŭhalećcie.
Kiraŭnik Kitaja Si Czińpin zahavaryŭ pra mahčymaść pražyć da 150 hadoŭ padčas razmovy pry ŭklučanym mikrafonie z rasijskim i paŭnočnakarejskim kalehami.
Razmova pamiž Si Czińpinam, Uładzimiram Pucinym i Kim Čen Ynam vypadkova trapiła ŭ žyvy efir.
Spačatku čuvać, jak Si kaža pa-kitajsku «ŭ našy dni» i «70 hadoŭ».
Zatym možna było pačuć, jak pierakładčyk, vidać, pieradajučy słovy Si, kaža pa-rusku: «Raniej ludzi redka dažyvali da 70, ale ŭ našy dni ŭ 70 hadoŭ ty jašče dzicia».
Zatym Pucin adkazvaje, žestykulujučy padčas razmovy, ale jaho słoŭ nie było čuvać vyrazna na zapisie.
Paśla ž pierakładčyk pieradaje słovy rasijskaha lidara:
«Z raźvićciom bijatechnałohij čałaviečyja orhany možna bieśpierapynna transpłantavać, i ludzi mohuć stanavicca ŭsio maładziejšymi i maładziejšymi i navat dasiahnuć nieŭmiručaści».
Zatym było čuvać, jak asobny pierakładčyk paŭtaraje pa-karejsku zhadku pra transpłantacyju orhanaŭ.
Paśla hetaha pajšła karcinka ź inšaj kamiery, ale słovy Si Czińpina ŭsio jašče vyrazna čuvać: «Prahnozy takija: u hetym stahodździ jość šaniec taksama pražyć da 150».
Uzrost i zdaroŭje lidaraŭ źjaŭlajucca pradmietam abmierkavańnia hramadskaści. 72-hadovy Si skasavaŭ abmiežavańni terminaŭ kiraŭnictva i raźličvaje na čaćviorty termin u 2027 hodzie. Pucin, taksama 72-hadovy, taksama źmianiŭ zakony svajoj krainy, kab dazvolić sabie kiravać Rasijaj daŭžej.
Kiraŭnik Paŭnočnaj Karei, jakomu 41 hod, išoŭ pobač i ŭśmichaŭsia. Łukašenka, jakomu 71, škandybaŭ krychu zzadu, vycirajučy pot ź iłba.
Paśla sustrečy z Pucinym śpiecsłužby KNDR źniščyli ŭsie ślady Kima Čen Yna: posud zabrali, kresła pradezynfikavali
Alaksandr Łukašenka prakulhaŭ pa čyrvonaj darožcy na płoščy Ciańańmeń. Kola vykonvaŭ rolu achoŭnika
«Ja ŭžo dumaju, jak tam nam na hetym soncy pastajać». Łukašenka padzialiŭsia z Pucinym stracham pierad zaŭtrašnim paradam
Kamientary