Telekanały i pres-słužby dyktatarskich režymaŭ pierad publikacyjaj prapuskajuć praź filtry nie tolki foty, ale i videa. Tamu kožnaja padzieja typu atamnaha samitu ŭ Maskvie heta jašče i nahoda dla fotareparcioraŭ zafiksavać realny stan i pačućci na tvarach Alaksandra Łukašenki i Uładzimira Pucina.
«Uładzimiru Alaksandraviču treba supakoicca — jość na stale dobraja prapanova, — źviarnuŭsia Alaksandr Łukašenka da prezidenta Ukrainy paśla piacihadzinnych pieramovaŭ z Uładzimiram Pucinym. — Z prezidentam Pucinym abmiarkoŭvali, nie stanu havaryć — prezident sam skaža. Dobraja prapanova», — dadaŭ jon.
Łukašenka padkreśliŭ, što jamu, Pucinu i Zialenskamu treba damovicca pra zaviaršeńnie kanfliktu va Ukrainie.
«Damovicca pra zakančeńnie hetaj niezrazumiełaj vajny. Treba damovicca. Nie damovimsia — budzie drenna ŭsim».
Adkazvajučy na pytańni, Alaksandr Łukašenka taksama zaklikaŭ Kijeŭ «spynicca, inakš jany straciać usiu Ukrainu».
U 2022 hodzie Łukašenka prahnazavaŭ, što vajna praciahniecca 3‑4 dni i demanstravaŭ na karcie, jakimi kirunkami rasijskaja armija zojmie Ukrainu i Prydniastroŭje, a taksama pakazvaŭ, ź jakich kirunkaŭ na Biełaruś rychtavaŭsia napad.
U 2014 hodzie ukraincaŭ užo zaklikaŭ «spynicca» Viktar Janukovič, heta stała miemam.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary
[Zredahavana]
A što tam hladzieć, ni adzin , ni inšy nie padobny na čałavieka, jaki zaŭtra skanaje.