Turčyn zajaviŭ, što Biełaruś i Rasija damovilisia nakont naftapierapracoŭki
Biełaruś i Rasija vyznačylisia z umovami funkcyjanavańnia naftapierapracoŭki na siarednieterminovuju pierśpiektyvu. Pra heta paviedamiŭ žurnalistam premjer-ministr Alaksandr Turčyn.
«Litaralna siońnia my zaviaršyli, skažam tak, paŭhadavuju niaprostuju pracu z našymi rasijskimi partniorami pa ŭmovach funkcyjanavańnia hetaj haliny na siarednieterminovuju pierśpiektyvu. Na ŭzajemavyhadnych umovach. Jakija dazvalajuć našym naftapierapracoŭčym zavodam efiektyŭna pracavać», — prainfarmavaŭ jon.
Inšyja padrabiaznaści jon nie nazvaŭ, ale adznačyŭ, što pryniatyja ŭradam miery dali značny ekanamičny efiekt dla ajčynnych pradpryjemstvaŭ, i jon «vyličajecca nie adnoj sotniaj miljonaŭ dołaraŭ».
Turčyn adznačyŭ, što pytańnie pracy haliny razhladałasia taksama ŭ kantekście situacyi na rynku naftapraduktaŭ u susiednich krainach. A situacyja na ŭnutranym rynku z zabieśpiačeńniem naftapraduktami «ŭ nas stabilnaja i nijakich uzrušeńniaŭ prosta nie moža być».
U Rasii z-za atak ukrainskich bieśpiłotnikaŭ na naftapierapracoŭčyja zavody ŭźnikła napružanaja situacyja na rynku aŭtamabilnaha paliva. U niekatorych rehijonach uźnik deficyt paliva, što vymusiła rasijski ŭrad uvieści časovyja abmiežavańni na ich ekspart. Na hetym fonie zamiežnyja i rasijskija ŚMI paviedamili pra rezki rost pastavak naftapraduktaŭ u Rasiju mienavita ź Biełarusi, kab kampiensavać unutrany niedachop.
Pastaŭki biełaruskaha bienzinu ŭ Rasiju čyhunkaj u vieraśni ŭzraśli ŭ čatyry razy
Piekła ŭ Rasii: udary pa naftapierapracoŭcy pahłyblajuć paliŭny kryzis i mianiajuć ujaŭleńni Trampa pra pierśpiektyvy Ukrainy
Łukašenku na ruku, što Ukraina bje pa rasijskich NPZ? Što heta pryniasie Biełarusi
Na zakrytaj naradzie ŭ Łukašenki abmiarkoŭvałasia pytańnie vytvorčaści paliva dla Rasii
U Rasii płanujuć istotna pavialičyć impart biełaruskaha bienzinu
Kamientary
A nasieleniju skotnoho dvora łukašienko, nado hotoviťsia k dieficitu bienzina i diziela