Paśla taho, jak Łukašenka padčas vizitu ŭ Lepielski rajon zhadaŭ, što Raman Pratasievič nibyta źjaŭlajecca daŭnim supracoŭnikam biełaruskaj raźviedki, źjavilisia achvotnyja daviedacca, ci tak heta, u jaho samoha.
Pieršaj z Ramanam Pratasievičam pa videasuviazi źviazałasia režymnaja prapahandystka Ludmiła Hładkaja. U karotkaj razmovie ź joj Pratasievič paviedamiŭ, što
«biezumoŭna, ja paćviardžaju słovy prezidenta, ja paćviardžaju słovy Alaksandra Ryhoraviča», ale bolš ničoha nie skazaŭ, bo «sama situacyja nie daje padstaŭ dla niejkich detalnych razhornutych intervju».
Toje ž samaje faktyčna jon skazaŭ i rasijskamu vydańniu «Ostorožno Media»:
«Słovy kiraŭnika dziaržavy paćviardžaju, ale pa zrazumiełych pryčynach pakul admoŭlusia ad jakich-niebudź kamientaroŭ».
Dakładna toj ža samy vyraz jon kapiruje ŭsim inšym ŚMI i błohieram, jakija da jaho źviartajucca.
Pierad hetym Pratasievič na dva z pałovaj miesiacy źnik z publičnaha pola. Jahony asabisty telehram-kanał nie abnaŭlajecca ad 18 žniŭnia.
Telehram-kanał z navinami Sprava, jaki stvaraŭ Pratasievič, novyja dopisy publikuje rehularna. Ale jaho daŭno viadzie nie Pratasievič — rytoryka i temy pastoŭ stali inšymi.
Adnosna jahonaha paćviardžeńnia svajoj słužby ŭ raźviedcy adrazu iranična vykazaŭsia palityčny analityk Alaksandr Frydman:
«U jaho stanoviščy jon z tym ža pośpiecham moh by zajavić, što źjaŭlajecca marsijaninam abo reptyłoidam. Značna cikaviej było b daviedacca pra charaktar jahonych adnosin z terarystami z CHAMASa: bo mienavita praz pahrozy, jakija pastupili ad ich imia, u Minsku byŭ pasadžany samalot z Pratasievičam na borcie».
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1818
Kamientary
-Kto, Ja, niet, koniečno.
-Roma, ili ty vsiehda był našim raźviedčikom ili opiať v tiuŕmu siadieš.
-Vsio, ja vsiehda był raźviedčikom.