Apytańnie: 46% žycharoŭ Polščy adčuvajuć niepryjaź da biełarusaŭ
Jašče 26% staviacca da biełarusaŭ abyjakava, a 19% — ź simpatyjaj. Takija vyniki studzieńskaha apytańnia Centra daśledavańnia hramadskaj dumki CBOS, piša Most.
CBOS štohod apytvaje žycharoŭ Polščy nakont ich staŭleńnia da pradstaŭnikoŭ 21 naroda. Biełarusy znachodziacca ŭ kancy śpisu prychilnaści, apiaredžvajučy tolki cyhan i rasijan.
Da kaho palaki staviacca lepš za ŭsio
U cełym pazityŭnaje staŭleńnie palaki tradycyjna vykazvajuć davoli strymana. Navat da lidaraŭ rejtynhu ź simpatyjaj stavicca krychu bolš za pałovu palakaŭ.
Najbolšuju simpatyju ŭ palakaŭ vyklikajuć italjancy (58%), a taksama susiedzi — čechi (55%) i słavaki (52%). Dalej iduć anhličanie (49%) i amierykancy (47%) — narody krain, jakija źjaŭlajucca hieapalityčnymi sajuźnikami Polščy i papularnymi kirunkami polskaj emihracyi.
Uzrovień simpatyi da biełarusaŭ u apošnija hady źnižajecca. Kali ŭ 2024 hodzie jon składaŭ 24%, to ŭ 2025 hodzie — užo 20%, a ŭ 2026 hodzie — 19%. Uličvajučy, što na staŭleńnie da nacyi časta ŭpłyvaje hieapalityka, heta nie dziŭna: mihracyjny kryzis źmianiŭsia kantrabandnym ciskam i dyviersijami, u jakich znachodzili biełaruski śled. Akramia taho, na staŭleńnie da biełarusaŭ moža ŭpłyvać ahulnaja paviestka — tak zvany pravy pavarot z uzmacnieńniem žorstkaści ŭ adnosinach da mihrantaŭ.
Adnak varta adznačyć: pry źnižeńni ŭzroŭniu simpatyi raście nie kolkaść tych, chto vykazvaje antypatyju da biełarusaŭ, a dola tych, chto stavicca niejtralna.
Da kaho palaki staviacca horš za ŭsio
Najbolšuju niepryjaź palaki vykazvajuć da rasijan (74%), cyhan — (46%), biełarusaŭ (46%), ukraincaŭ (43%), jaŭrejaŭ (40%), niemcaŭ (32%), paleścincaŭ (30%).
Dola tych, chto vykazvaje niepryjaź da biełarusaŭ, navat krychu źmienšyłasia: u 2025 hodzie jana składała 48%, u 2024 hodzie — 47%.
A voś u staŭleńni da ŭkraincaŭ adbyvajecca inšy praces. Za hod uzrovień simpatyi da ich źmienšyŭsia z 30% da 29%, a niepryjaznaści — vyras z 38% da 43%.
Da kaho jašče pahoršyłasia staŭleńnie
Na staŭleńnie da kankretnych narodaŭ upłyvajuć pracesy ŭ ich krainach i dziejańni ŭładaŭ. Naprykład, u apošnija hady ŭ polskim hramadstvie prykmietna pahoršyłasia staŭleńnie da amierykancaŭ: u 2024 hodzie simpatyju da ich vykazvali 65% apytanych, u 2025 — 58%, a ŭ 2026 — 47%. Pry hetym niehatyŭnaje staŭleńnie da amierykancaŭ ciapier vykazali 18% apytanych (u minułym hodzie takich było 10%).
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary
Chacia my im ANIČOHA kiepskaha nie rabili badaj što nikoli. Nu, heta ich sprava.
Dadajcie siudy idyjockija zachady z boku susiedziaū, što da abmiežavanniaū (vizavych, transpartnych), jakija šyroka abmiarkoūvajucca ūradami i, adpaviedna, asviatliajucca ū SMI inšych krainaū EZ... U tamtejšaha plebsu na slychu atrymlivajecca tolki niehatyū, adčuvannie varožasci i niebiaspieki,..taki vynik.
Inakš chiba što na ūschodzie, Siaredniaja Azyja, Paūdniova Ūschodniaja Azyja ...