«Minskzialonbud» raskrytykavali za sadžańnie drevaŭ u miorzłuju ziamlu. Tam adkazali
U sacsietkach źjaviłasia videa, na jakim pakazana, jak u Minsku 5 sakavika rabotniki sadžajuć drevy. Žančyna, jakaja źniała rolik, ź ironijaj prakamientavała praces, adznačyŭšy, što ziamla jašče niadaŭna była pad śnieham i, mahčyma, navat zastajecca mierzłaj. Jana taksama źviarnuła ŭvahu, što rabočyja kapajuć jamy bieź śpiecyjalnaj techniki, tolki ŭručnuju, zaŭvažyła ahienctva «Minsk-Naviny».
Videa chutka raspaŭsiudziłasia ŭ siecivie i nabrała dziasiatki tysiač prahladaŭ. U kamientaryjach častka ludziej krytykavała takuju rańniuju vysadku, miarkujučy, što nadvorje jašče nie padychodzić i drevy mohuć nie pryžycca. Inšyja ž karystalniki adznačyli, što vysadžvać raśliny jakraz možna ŭ pieryjad, kali ich karaniovaja sistema znachodzicca ŭ stanie spakoju.
ja,koniečno,nie Mičurin.no dołbiť miorzłuju ziemlu,čto b posadiť dieriev́ja-eto kak to niepravilno...kak vy dumajetie?
U «Minskzialonbudzie» ŭ adkaz na krytyku rastłumačyli, što najlepšy čas dla pasadki dreŭ i kustoŭ — viasna i vosień, kali raśliny znachodziacca ŭ naturalnym stanie spakoju. Dla mnohich liścievych parod viasnovaja pasadka navat ličycca najbolš prydatnaj, bo jana dazvalaje drevam lepš pryžyvacca. Zvyčajna jaje pravodziać paśla taho, jak hleba adtaje, ale da taho, jak pačnuć nabuchać pupyški. Hety pieryjad, jak praviła, doŭžycca kala dvuch—troch tydniaŭ.
Śpiecyjalisty taksama adznačyli, što chvojnyja i liścievyja drevy možna pierasadžvać navat uzimku, kali jany vykopvajucca razam z kamiakom ziamli. Raboty dapuskajecca pravodzić pry tempieratury pavietra nie nižej za —15 °C.
Pierad pasadkaj miesca pad dreva rychtujuć zahadzia: u jamie robiać płast miakkaj hleby, na jaki staviać raślinu. Samo dreva raźmiaščajuć tak, kab karaniovaja šyjka znachodziłasia krychu vyšej za ŭzrovień ziamli — prykładna na 3—6 santymietraŭ, uličvajučy dalejšuju ŭsadku hleby.
«Mnie zdajecca, heta kryminalny artykuł». Pinčuk aburyŭsia stanam novaj darohi ŭ horadzie
U Babrujskaj krepaści adrestaŭrujuć kazarmu, u dvary jakoj pabudavali kancłahier
Uviali zabaronu na razbureńnie ptušynych hniozdaŭ
Na Niamizie ŭ Minsku dabudoŭvajuć šmatfunkcyjanalny kompleks z vadaspadam i drevami na dachu
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty41
Kamientary