Vychad Poŭnaha zboru tvoraŭ piśmieńnika raźličany na 2011-2020 hady.
Vychad Poŭnaha zboru tvoraŭ piśmieńnika raźličany na 2011-2020 hady. Realizacyjaj prajekta zaniałosia vydaviectva «Mastackaja litaratura».
Heta budzie pieršaje poŭnaje navukovaje vydańnie z kamientarami. Papiaredni zbor piśmieńnika (1987-1991) naličvaŭ tolki vosiem tamoŭ. Ale ŭžo paśla jaho vychadu śviet pabačyli knihi z tvorami, jakim nie znajšłosia miesca ŭ vaśmi tamach. «Hałasy maich siabroŭ» (pierakłady U.Karatkieviča), «Tvory», jakija pry žyćci nie drukavalisia, «Śviet vačyma Karatkieviča» (jaho malunki) i inšyja.
Na nastupny hod zapłanavany vychad dvuch tamoŭ, jakija ŭklučać paeziju 1950-ch — 1984 hadoŭ:
tvory sa zbornikaŭ «Matčyna duša» (1958), «Viačernija vietrazi» (1960), «Maja Ilada» (1969), «Byŭ.Jość.Budu» (1986); tvory, jakija nie ŭvachodzili ŭ zborniki i jakija zusim nie drukavalisia pry žyćci aŭtara. Taksama
źjavicca dysk z vykanańniem vieršaŭ i piesień samim Karatkievičam.
Usich dyskaŭ budzie try. Ich miarkujuć prykładać da kankretnych tamoŭ. Na druhi CD uvojduć vystupleńni piśmieńnika na telebačańni, u Sajuzie piśmieńnikaŭ Biełarusi i inšaje. Asobnym dyskam vyjdzie elektronnaja biblijateka tvoraŭ Uładzimira Karatkieviča. Takoj biblijatekaj užo ciapier možna karystacca na sajcie uladzimir-karatkevich.com.
Akramia viadomych «Kałasoŭ pad siarpom tvaim», «Čornaha zamka Alšanskaha», «Čazienii», «Ładździ Rospačy» zbor tvoraŭ daść mahčymaść paznajomicca i tekstami, jakija nikoli nie drukavalisia dla šyrokaj aŭdytoryi.
Try tamy zojmuć scenary Karatkieviča da mastackich i dakumientalnych filmaŭ, libreta.
«Śviedki viečnaści», «Čyrvony ahat», «Chrystos pryziamliŭsia ŭ Harodni», «Dzikaje palavańnie karala Stacha» i inšyja.
Asobnuju knihu składuć malunki, šaržy, aŭtapartrety Uładzimira Karatkieviča.
Jašče dva tamy advodziacca dla novych znachodak. Pa słovach kiraŭnika prajekta i adnaho z układalnikaŭ Anatola Vierabja, chutčej za ŭsio znojducca nieviadomyja rannija vieršy i apaviadańni Karatkieviča, pierakłady, a kali paščaścić, to niešta i z bujnoj prozy. Da prykładu, sioleta była apublikavana nieviadomaja raniej ruskamoŭnaja apovieść Uładzimira Karatkieviča «Pieradhistoryja».
Zaviaršyć vydańnie zboru tvoraŭ miarkujuć da 90-hodździa piśmieńnika.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary