Miadźviedzieŭ namiaknuŭ: u Novy hod možna i z novym partnioram
Zvyčajna ŭ vychodnyja palityki starajucca nie tryvožyć son abyvacielaŭ. Adpačni sam i daj adpačnuć elektaratu — słušny pryncyp, bo jakasnaja rekreacyja mazhoŭ vybarcaŭ jość zarukaj pośpiechu na budučych vybarach. Adnak časam zdarajucca vyklučeńni.i padrychtavała niebłahi siurpryz na paniadziełkavuju ranicu dla «ofisnaha płanktonu» sajuznaj dziaržavy z haspadarom Kramla ŭ hałoŭnaj roli.Administracyja rasijskaha prezidenta ŭ niadzielu napružyłasia ŭ zvyšuročnym režymie
U tym, što Miadźviedzieŭ adreahuje na piatničnyja zakidy «hałoŭnaha brata» nichto nie sumniavaŭsia. Niečakanaj była chiba chutkaść reakcyi, a voś toje, što Miadźviedzieŭ nie paškadavaŭ vychodnych, kab piersanalna pravieści chuk u adkaz, adrazu pastaviła jaho videazvarot u šerah nadzvyčajnych zdareńniaŭ na palityčnaj scenie.
Jak nahadaŭ sam Miadźviedzieŭ, apošni taki piersanalny razbor spravy jon učyniŭ amal hod tamu Viktaru Juščanku napiaredadni ŭkrainskich vybaraŭ. Cikavaje padabienstva, ci nie praŭda?
Mahło padacca, što niadzielny adkaz Miadźviedzieva jość całkam lustranym adbitkam pałymianaha śpiču Łukašenki.
Adnak heta ŭsio emocyi, takaja rytoryka nie praduhledžvaje važkich arhumientaŭ, bo kali žonka kaža «ja jamu ŭsio addała, a jon majo žyćcio zahubiŭ», jana nie imkniecca abhruntavać heta. Hałoŭnaje — stvaryć vobraz achviary i zaručycca padtrymkaj atačeńnia.
Tut, biezumoŭna padabienstva duelantaŭ navidavoku, bo pistalety takija samyja i takoha samaha kalibra.
U piatnicu Alaksandr Łukašenka pramaŭlaŭ niby toj Akieła, jaki pramachnuŭsia, ale nie žadaje sastupać miesca važaka ŭ zhrai. Niadzielny zvarot Miadźviedzieva byŭ chutčej rykam Šerchana, što prahnie kryvi i svajoj doli zdabyčy.Šerchan atakuje, pryčym nie saromiejecca papikać Akiełu ŭ… praźmiernaj kryvažernaści. «Imknieńnie sfarmavać u hramadskaj śviadomaści vobraz zamiežnaha voraha zaŭsiody adroźnivała biełaruskaje kiraŭnictva» — adznačyŭ Miadźviedzieŭ, nibyta zabyŭšysia pra toje, što mienavita takaja formuła dahetul jość asnovaj rasiejskaj unutranaj palityki. Adno što vorah hety ŭžo nie Zachad, a mižnarodny teraryzm.
I, narešcie, apafieoz pasłańnia, jaki tłumačyć sens dziŭnaj mimikryi Miadźviedzieva. Słovy pra toje, što «hetaja biessensoŭnaja pałasa napruhi abaviazkova skončycca» i «chto b ni kiravaŭ Rasiejaj i Biełaruśsiu» nie pakidajuć sumnievu: mesidž skiravany zusim nie da abjekta krytyki. Jon skiravany da čynavienstva, da tych ad kaho budzie niepasredna zaležyć chod vybarčaha pracesu «na miescach». Adsiul hetaki styl, hetaja karcinka: słovy niby tyja samyja, sens — advarotny.
Svaim pasłańniem Miadźviedzieŭ namiakaje — u Novy hod možna i z novym partnioram, a tamu budźcie hatovyja zrabić pravilny vybar. Jak tut nie pryhadać scenar, apisany palitołaham Vitalom Silickim, dzie niepryznańnie vybaraŭ i supraca Kramla ź biełaruskimi kiraŭničymi elitami mohuć stać klučavymi elemientami rasijskaj palityki paśla 19 śniežnia. A tyja vybary mohuć stać usiaho tolki prajmieryz da sapraŭdnych, mahčyma, daterminovych vybaraŭ novaha prezidenta Biełarusi.
Kamientary