Anžalicy Borys, Pačobutu j Pisalniku pahražaje dva hady turmy.
Aktyvist niepryznavanaha ŭładami Sajuzu palakaŭ Biełarusi Andrej Pačobut paviedamiŭ, što kamitet pa spravach relihii i nacyjanalnaściaŭ nakiravaŭ list u milicyju Haradzienskaj vobłaści. U im pravaachoŭnikaŭ prosiać pravieryć dziejnaść aktyvistaŭ Sajuzu palakaŭ Anžaliki Borys, Andžeja Pisalnika i Andreja Pačobuta na prykmiety parušeńnia artykułu 382 Kryminalnaha kodeksu RB «Samavolnaje prysvajeńnie zvańnia albo ŭłady słužbovaj asoby». Maksymalnaje pakarańnie pa hetamu artykułu składaje 2 hady źniavoleńnia.
5–6 listapada, niahledziačy na vychadnyja, milicyjanty pa hetaj spravie praviali ceły šerah dopytaŭ aktyvistaŭ SPB u Vaŭkavysku, Sapockinie i Indury. Pravaachoŭnikaŭ najpierš cikaviła dziejnaść niepryznavanaha ŭładami Sajuzu palakaŭ, finansavańnie Sajuzu, kantakty miascovych staršyniaŭ SPB z Anžalikaj Borys. Taksama siarod inšaha milicyjantaŭ cikaviła finansavańnie, vychad i raspaŭsiud vydańniaŭ «Magazyn Polski na uchodzstwie» i «Glos znad Niemna na uchodzstwie».
Andrej Pačobut miarkuje, što novaja chvala cikavaści ŭładaŭ da dziejnaści Sajuzu palakaŭ źviazanaja z tym, što SPB bližejšym časam dumaje pravieści ŭ Horadni paŭnavartasnuju maštabnuju akcyju ŭ padtrymku Miečysłava Jaskieviča, jaki z 4 listapada znachodzicca za kratami. Suprać Jaskieviča raspačali kryminalnuju spravu pa fakcie nibyta ŭčynienaj im bojki. «Heta sproba zapałochać na miescach našych aktyvistaŭ, - kaža Andrej Pačobut. – Kab jany nie pryjechali ŭ Horadniu padtrymać Jaskieviča».
Taksama varta nahadać, što 29 kastryčnika na biełaruska-litoŭskaj miažy byŭ zatrymany aŭtamabil u jakim jechała Anžalika Borys, u mašynie byŭ znojdzieny amfetamin. Ciapier sp.Borys prachodzić jak śviedka ŭ spravie kantrabandy narkotykaŭ. Sama A.Borys ličyć, što narkotyki im u mašynu byli padkinutyja.
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami1
Kamientary