ANT rychtuje narod, što za Łukašenku napišuć 73%
A nikomu z apazicyjanieraŭ — bolš za dva.
A nikomu z apazicyjanieraŭ — bolš za dva.
Učora ŭviečary na telekanale ANT padčas pieradačy «Kontury» prapanoŭvałasia ŭziać udzieł u interaktyŭnym hałasavańni «Za kaho vy budziecie hałasavać na prezidenckich vybarach?» Nijakaj sistemy kantrolu za vynikami niama. Faktyčna, va ŭsich hetych teleapytańniach aŭtary prahramy mohuć stavić lubyja ličby.
U hetym sensie cikava, jakija vyniki prezientavaŭ łukašenkaŭski telekanał. Za dziejsnaha kiraŭnika dziaržavy
za hadzinu efiru nibyta prahałasavała 83 tysiačy hledačoŭ, što składaje 73,2%.
Druhim u rejtynhu ANT apynuŭsia kaardynatar «Jeŭrapiejskaj Biełarusi» Andrej Sańnikaŭ. Za jaho byccam by prahałasavała 1444 čałavieki, što składaje 1,3%.
Cikava, što na trecim miescy niečakana apynuŭsia Ryhor Kastusioŭ. Moža heta ŭ suviazi z tym, što Łukašenka nazvaŭ jaho samym sumlennym siarod kandydataŭ. Kastusioŭ mieŭ — 1,06%.
Zusim kryšačku ad pradstaŭnika BNF adstaŭ vyłučeniec AHP. U Jarasłava Ramančuka na ANT — 1,04%.
A Uładzimir Niaklajeŭ tolki piaty. Za jaho prahałasavała tysiača čałaviek — 0,89%.
Dalej raźmiaścilisia: Vital Rymašeŭski — 0,74%, Viktar Ciareščanka — 0,63%, Mikałaj Statkievič — 0,56%, Aleś Michalevič — 0,45%, Dźmitryj Us — 0,3%.
Cikava, što suprać usich amal 20%.
Darečy, prykładna takija samyja ličby nazyvajuć i praŭradavyja prapahandysty.
Jašče cikava, što mienavita telekanał ANT zamoviŭekzit-poły va ŭkrainskaj kampanii TNS.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary