14 śniežnia na vybarčych učastkach u studenckich haradkach krainy pačałosia daterminovaje hałasavańnie.
Karespandent BiełaPAN naviedaŭ učastak u internacie № 6 BDU na vulicy Kastryčnickaj u Minsku. Tut było davoli ažyŭlena, u nievialiki pakoj, vydzieleny dla hałasavańnia, pa čarzie zachodzili maładyja ludzi. Na pytańnie, čamu jany vyrašyli prahałasavać daterminova, studenty adkazvali nastupnaje.
Alina, studentka fiłałahičnaha fakulteta: «Ja saču za vybarami ŭ Biełarusi, tamu ŭ pryncypie šmat viedaju ab kožnym kandydacie — čytała haziety, słuchała ich vystupy.
Kali možna hałasavać daterminova, čamu nie?
Nie dumaju, što za hety čas majo mierkavańnie źmienicca. Tamu ja vyrašyła, kab nie ŭdzielničać 19 śniežnia, kali budzie vielmi šmat ludziej,
spakojna prahałasavać zahadzia».
Pavodle Aliny, jana «hałasavała sercam» — za taho kandydata, jakomu daviaraje, čyja prahrama i łozunhi zdajucca joj najbolš kanstruktyŭnymi i, mahčyma, ŭvasobiacca.
Student Andrej sumieŭsia i nie zmoh rastłumačyć, čamu vyrašyŭ prahałasavać daterminova.
«Hramadzianski abaviazak vykonvaju, — zavučana rastłumačyŭ Valeryj z
Mnie zdajecca, tak budzie lepš dla BDU, kali bolšaść studentaŭ prahałasujuć zahadzia».
Kaciaryna vyrašyła «jak maha raniej prahałasavać i być spakojnaj».
Staršynia kamisii Michaił Čarapieńnikaŭ paviedamiŭ, što da terytoryi ŭčastka adniesieny tolki internaty, tamu i hałasujuć u asnoŭnym tyja, što žyvuć tut studenty. Na ŭčastku zarehistravana siem naziralnikaŭ: adzin — ad Abjadnanaj hramadzianskaj partyi, dva — ad HA «Biełaja Ruś», astatnija vyłučany hramadzianami šlacham zboru podpisaŭ.
Ciapier čytajuć
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m78
Babaryka zajaviŭ pra viartańnie ŭ palityku i nazvaŭ vinavataha ŭ tym, što źmieny nie adbylisia ŭ 2020-m
Dzieci źlizvali z brudnaj padłohi pralitaje małako. Jakoj pabačyŭ zamiežnik Biełaruś, spustošanuju rasijskimi i šviedskimi vojskami ŭ čas Paŭnočnaj vajny1414
Kamientary