Z maładafrontaŭca patrabujuć dva razy apłacić štraf za adno pravaparušeńnie
Raniej žodzinski maładafrontaviec Raman Vasiljeŭ apłaciŭ štraf 1 050 000 rubloŭ za hrafici «Saša, sychodź» na Domie bytu. Ciapier pa poźviežyllova-kamunalnaj haspadarki horada ad chłopca patrabujuć apłacić jašče raz, ale trochi mieniej — 1 048 887 rubloŭ.
Niadaŭna Ramanu prynosili pozvu ŭ sud dachaty. Junaka na toj momant nie było doma. Hutarka z «paštaljonam» adbyvałasia praz damafon. Pradstavicca niazvany hość admoviŭsia — «adčyniaj — ubačyš, chto heta». Paśla doŭhich sprečak «damafon» paviedamiŭ, što prynios pozvu Vasiljevu, ale navat nie ŭdakładniŭ, jakomu. Kali niechta z susiedziaŭ adčyniŭ damafonnyja dźviery, tajemny «paštaljon» pačaŭ tuzać ručku, bicca ŭ dźviery kvatery Vasiljevych.
Tydzień tamu, 8 červienia, Raman znajšoŭ u paštovaj skryni pozvu na razmovu ŭ sud, ale pryjści pa joj u chłopca nie było mahčymaści, bo jana była vypisanaja na 9 červienia, a Raman ubačyŭ jaje tolki 8 červienia i nie zmoh adkłaści pracu.
Vynikaje, što praź niajaŭku Ramana Vasiljeva sudovaje pasiedžańnie pieranieśli.
«Jak ja zrazumieŭ, ź mianie chočuć sadrać hrošy za ŭsie nadpisy», — ličyć Raman Vasiljeŭ i źviartaje ŭvahu na słovy ŭ poźvie «pry ažyćciaŭleńni rabotaŭ pa zafarboŭvańni nadpisaŭ». Pavodle administracyjnaha pravaparušeńnia dakazanaja vina Ramana ŭ naniasieńni tolki 1 nadpisu «Saša, sychodź» na Dom bytu ŭ Žodzinie.
Navat da źjaŭleńnia nadpisu «Saša, sychodź» na handlovym domie było kala 8 štuk nadpisaŭ, apaviadaje maładafrontaviec. Ich kožny raz zamaloŭvali supracoŭniki ŽKH.
Raman miarkuje, što jaho vyklikajuć u sud u jakaści abvinavačvanaha. Niahledziačy na toje, što štraf junak užo apłaciŭ, ad jaho patrabujuć takuju ž kampiensacyju pa poźvie ad ŽKH.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary