U narodnych hulańniach u Viciebsku ŭziali ŭdzieł 300 čałaviek. Bolšaj kolkaści pieraškodziła vialikaja zaleva, paviedamiŭ Kanstancin Sieviaryniec.
Napačatku ludzi stalai ŭ pierachodzie, a potym rušyli pad navies pierad vialikim 9-cipaviarchovym domam, što staić na Płoščy.
Pamiatajučy pra słovy Ihara Jaŭsiejeva, što pa sieradach plaskać u dałoni nielha, jany chitra vyjšli ŭ situacyi. Bačyli nibyta znajomaha i pačynali plaskać u dałoni.
Akcyja była ačeplena śpiecnazam, a taksama miascovym parthaspaktyvam.
Abyšłosia biez zatrymańniaŭ. Taksama K. Sieviaryniec nahadaŭ, što ŭ Viciebsku kala kryža Jefrasińni Połackaj prachodziać tradycyjnyja malitvy za palitviaźniaŭ.
***
U Viciebsku płošča Pieramohi ačeplenaja pa pierymietry. Tut ža patrulujuć amapaŭcy i ludzi ŭ cyvilnym, kožny z racyjaj. Na płošču nikoha nie puskajuć, ale vidać, što za mietaličnymi zaharadkami nie viadziecca padrychtoŭka da dyskateki, pra jakuju siońnia paviedamlała a 16-j hadzinie miascovaje telebačańnie ŭ «biahučym radku» na ekranie televizaraŭ.
La płoščy Budaŭnikoŭ užo sabrałasia kala sotni maładzionaŭ. Pakul ciažka vyznačyć, ci heta ŭdzielniki akcyi, ci tyja, chto pryjšoŭ na abiacanuju dyskateku.
Kamientary