Užo druhi tydzień jon znachodzicca ŭ turemnym špitali.
Jak paviedamiła žonka palitviaźnia Volha, u muža prablemy ź mižpazvankovaj hryžaj. U apošnich listach Źmicier napisaŭ, što ŭ špitali boli krychu pamienšyli, ale ŭ cełym situacyja nie źmianiłasia. Jamu davodzicca časta lažać pad kropielnicami, pić šmat tabletak. Ad hetaha ŭzknili prablemy ź piačonkaj. U dadatak hryža pačała zaciskać niervy ź levaha boku (da hetaha tolki z pravaha). Pry apošniaj sustrečy z mužam u jaho amal nie ruchałasia naha. Pry ciapierašnich prablemach jość vierahodnaść paraliča abiedźviuch noh. Tamu Źmicier surjozna zadumaŭsia pra apieracyju, abyścisia bieź jakoj mierkavaŭ raniej. Volha taksama paviedamiła, što budzie damahacca parviadzieńnia niezaležnaj miedycynskaj ekśpiertyzy dla muža.
Žančyna adzančyła, što paśla lista deputata Jeŭraparłamienta Mareka Mihalskaha i Alaksandra Milinkieviča administracyi kałonii viaźniam vydali novaje adździeńnie i vyvieli na prahułku. Navat fatahrafavali dla niejkaha vydańnia.
Źmicier Bandarenka, davieranaja asoba eks-kandydata ŭ prezidenty Andreja Sańnikava, byŭ asudžany na dva hady kałonii za ŭdzieł u akcyi pratestu 19 śniežieja 2010 hoda. Napisać list jamu možna pa adrasie:
213105 h. Mahiloŭ, Słaŭharadskaja šaša, p/a Viejna papraŭčaja kałonija № 15.
Kamientary