U 19:20 3 lipienia ludzi ŭ cyvilnym vyvieli z kupy hledačoŭ i zatrymali Źmitra Kuźmiankova, jaki hladzieŭ kancert. Razam ź im kala kinateatru «Kastryčnik» zatrymali jašče troch chłapcoŭ. Usie jany byli dastaŭleny ŭ pastarunak Baranavickaha HAUS.
Prykładna praz hadzinu Źmitra Kuźmiankova vypuścili biez składańnia pratakoła. Pa jaho słovach, adpuścili i troch chłopcaŭ, uziaŭšy ŭ ich adbitki palcaŭ.
Jak raspavioŭ Źmicier IR, jon nie rabiŭ ničoha supraćpraŭnaha, a prosta stajaŭ kala kinateatra «Kastryčnik» ź siabram i słuchaŭ kancert narodnaj samadziejnaści. «Ja vyłučaŭsia chiba tolki rostam. Raptam da nas padyšli dva supracoŭniki milicyi ŭ cyvilnym i paprasili pakazać pašparty, — raskazaŭ zatrymany. — Paśla adviali nas u bok da majora milicyi jaki staŭ pytacca, što my tut robim. Ja dakazaŭ, što prosta słuchajem kancert, na što major raptam moviŭ, byccam nie z maimi intelektualnymi dadzienymi niečym tut cikavicca. Ja adkazaŭ, što nie majoru vyznačać moj intelekt».
Paśla hetaha, jak kaža Źmicier, jaho abvinavacili ŭ brydkasłoŭi dy zavieźli ŭ HAŬS na tłumačalnuju razmovu. «Ale nijakaj hutarki nie było, — raspavioŭ Kuźmiankoŭ. — Pierapisali pašpartnyja dadzienyja, chacieli ŭziać adbitki, ale ja skazaŭ, što ich užo zdavaŭ i mianie adpuścili biez składańnia pratakołu».
Źmicier Kuźmiankoŭ, źjaŭlajecca siabram TBM, a taksama ŭdzielnikam apošnich maŭklivych akcyj u Baranavičach. Pa jaho słovach, zatrymanych ź im chłopcaŭ, jon taksama bačyŭ kala fantana ŭ apošniuju sieradu.
Kamientary