Pra heta palitviazień paviedamiŭ u liście da maci.
Pra heta palitviazień paviedamiŭ u liście da maci.
«Piša, kab ja była hatovaja da taho, što na turemny režym jaho pieraviaduć u siaredzinie vosieni. I supakojvaje, što ničoha strašnaha ŭ hetym niama», – raspaviała Alena Lichavid. Žančyna havoryć, što list syna davoli strymany i aptymistyčny, navat i nie zrazumieješ, što jon napisany ŭ źniavoleńni. Mikita piša, kab za jaho nie chvalavalisia, što jon zdarovy i navat zajmajecca sportam. «Ale jakim sportam jon moža zajmacca ŭ kamiery? Chiba što sprabuje adciskacca ad padłohi…» – uzdychaje Alena Lichavid.
U liście Mikita supakojvaje maci, što pamiaškańnie kamiernaha typu, kudy jaho źmiaścili na try miesiacy za šmatlikija parušeńni, «ničoha strašnaha ź siabie nie ŭjaŭlaje», maŭlaŭ,
što ŭ zonie siadzieć, što ŭ PKT – roźnicy niama.I zaklikaje maci kłapacicca pra svajo zdaroŭje. «Mikita piša, što nie prosić, a patrabuje, kab ja źjechała chacia b na tydzień u adpačynak. Adkazała jamu, što razhledžu jahonaje patrabavańnie, ale kudy ja pajedu, kali z maim synam adbyvajecca nieviadoma što?» – kaža Alena Lichavid.
Na hetym tydni jana i advakatka viaźnia Darja Lipkina źbirajucca naviedać Navapołackuju kałoniju, dzie adbyvaje pakarańnie Mikita Lichavid. Palitviaźnia za ŭdzieł u Płoščy asudzili na 3,5 hady źniavoleńnia. Mikita ličyć siabie niezakonna asudžanym i admaŭlajecca vykonvać rasparadžeńni turemnaj administracyi. Raniej u liście da maci jon pisaŭ, što prasić pamiłavańnia nie źbirajecca: «Niachaj vypuskajuć tych, chto vinavaty i žyvie pa režymie, a ja svajo imia i svoj honar za mahčymaść jeści pierniki sa zhuščankaj nie pradaju».
Kamientary