Ahułam u lipieni 2011 hodu dypłom EHU atrymali 151 vypusknik bakałaŭrskich i 38 vypusknikoŭ mahistarskich prahramaŭ.
Vypuskniki EHU nie śpiašajucca viartacca na radzimu. Tolki čaćviortaja častka vypusknikoŭ hetaj unikalnaj biełaruskaj navučalnaj ustanovy navažyłasia zastacca ŭ Biełarusi. Niekatoryja znajšli pracu ŭ biźniesie, a 10% uvohule akazalisia biespracoŭnymi.
Jak śviedčać dadzienyja apytańnia vypusknikoŭ bakałaŭrskich prahramaŭ, što apublikavanyja na sajcie studenckaj supolnaści EHU, 64% studentaŭ Jeŭrapiejskaha humanitarnaha ŭniviersiteta, što skončyli navučańnie ŭ 2011 hodzie, nie viarnulisia ŭ Biełaruś.
Kala 37% čałaviek, jakija atrymali stupień bakałaŭra ŭ EHU, praciahvajuć navučańnie ŭ mahistraturach vyšejšych navučalnych ustanoŭ za miežami Biełarusi. Ź ich 10% sumiaščajuć vučobu i pracu.
Tyja ž, chto viarnuŭsia ŭ Biełaruś, zbolšaha zaniatyja ŭ śfiery pryvatnaha biźniesu. Ale jość i takija EHUšniki, chto ŭładkavaŭsia ŭ dziaržaŭnyja ŭstanovy, pieravažna kulturnyja albo adukacyjnyja. Pry hetym 10% tak i nie zdoleli znajści nijakaj pracy.
Ahułam u lipieni 2011 hodu dypłom EHU atrymali 151 vypusknik bakałaŭrskich i 38 vypusknikoŭ mahistarskich prahramaŭ. Takim čynam, kolkaść vypusknikoŭ univiersiteta za čas jaho znachodžańnia ŭ Vilni pavialičyłasia da 667 čałaviek.
Viartacca ŭ Biełaruś raschaciełasia
Dva hady tamu situacyja ź mihracyjaj byłych studentaŭ EHU była absalutna inšaj. Pavodle słovaŭ kiraŭnictva ŭniviersitetu, u 2009 hodzie 17% jaho vypusknikoŭ znachodzilisia pa-za miežami Litvy i Biełarusi, i cełych 45% vypusknikoŭ bakałaŭryjatu pracavali ŭ Biełarusi.
Pry hetym pałova vypusknikoŭ, jakija byli zaniatyja na radzimie, pracavali nie tolki ŭ pryvatnym siektary, ale i ŭ NDA albo navat dziaržaŭnych VNU.
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA56
Kamientary