Pad ehidaj Ankary 1 śniežnia na terytoryi Turcyi prajšli pieramovy pamiž pradstaŭnikami Siryjskaj nacyjanalnaj rady i Svabodnaj armii Siryi —dźviuch apazicyjnych arhanizacyj, jakija damahajucca źviaržeńnia prezidenta Bašara Asada, paviedamlaje ŭ svaim redakcyjnym błohu telekanał
Zhodna z hetaj infarmacyjaj, baki aficyjna pryznali adzin adnaho. Siryjskaja nacyjanalnaja rada zajaviła, što Svabodnaja armija Siryi — realnaja struktura, jakaja viadzie ŭzbrojenuju baraćbu suprać ciapierašnich uładaŭ. U adkaz «armiejcy» pryznali Radu hałoŭnaj palityčnaj strukturaj apazicyi.
Abodva baki pieramovaŭ damovilisia ŭ dalejšym kaardynavać svaje dziejańni i naładzili pastajanny kanał suviazi.
Jak paviedamlałasia raniej, apazicyjnaja Siryjskaja nacyjanalnaja rada sabrała pradstaŭnikoŭ palityčnych apanientaŭ Bašara Asada — jak emihrantaŭ, tak i tych, što ŭsio jašče žyvuć na radzimie. Svabodnaja armija Siryi — heta abjadnańnie ŭzbrojenych praciŭnikaŭ režymu — u asnoŭnym, sałdat i aficeraŭ, jakija pierajšli na bok apazicyi. Ich uznačalvaje pałkoŭnik VPS Siryi Ryjad Musa Asad, jaki atrymaŭ prytułak u Turcyi i adtul kaardynuje dziejańni svaich padnačalenych.
Raniej apazicyjnyja Rada i Armija dziejničali paasobku: Rada nie prymała hvałtoŭnych mietadaŭ baraćby, nastojvajučy na tym, što revalucyja pavinnaja być mirnaj, a pradstaŭniki Armii zajaŭlali, što na stralbu pa demanstrantach treba adkazvać tym ža.
Aficyjnyja ŭłady Siryi ličać abiedźvie hetyja arhanizacyi supraćzakonnymi i nie spyniajuć baraćbu suprać ich. Najbolšy kłopat u kiraŭnictva krainy vyklikajuć mienavita ŭzbrojenyja paŭstanckija atrady, jakija pravodziać usio bolš dziorzkija apieracyi suprać uradavych vojskaŭ.
Adnoj z apošnich takich akcyj staŭ napad na avijabazu ŭ centralnaj Siryi. Padčas hetaha rejdu byli zabityja dziesiać čałaviek, uklučajučy šaściarych piłotaŭ.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary