Košt navučańnia ŭ biełaruskich VNU ŭ chutkim časie budzie pavialičany, pryčym značna
«My ŭsie dobra razumiejem, što kali raschody pavialičvajucca, to ich niejak treba pakryvać», — kažuć u Minadukacyi.
paviedamiŭ načalnik upraŭleńnia vyšejšaj i siaredniaj śpiecyjalnaj adukacyi Ministerstva adukacyi Juryj Miksiuk.
Pavodle jaho słoŭ, heta źviazana z rostam zarabotnaj płaty vykładčyckaha składu, jaki adbudziecca z pavyšeńniem z 1 studzienia taryfnaj staŭki pieršaha razradu na 32,5% (sa 151 tys. da 200 tys. rubloŭ). «My ŭsie dobra razumiejem, što kali raschody pavialičvajucca, to ich niejak treba pakryvać», — skazaŭ Miksiuk.
Raniej pavieličeńnie koštu navučańnia ŭ VNU «było niaznačnym», VNU maksimalna imknulisia da źnižeńnia sabiekoštu svaich pasłuh. «Dalej iści pa takim šlachu ŭniviersitety nie mohuć, tamu ja dumaju, što budzie adekvatnaje ŭzvažanaje pavyšeńnie», — zajaviŭ pradstaŭnik Minadukacyi. Jon miarkuje, što heta pavyšeńnie «mocna nie paŭpłyvaje na mahčymaści studenctva atrymlivać adukacyju».
Miksiuk pakul nie hatovy skazać, na kolki mienavita ŭzraście košt navučańnia i ź jakoha miesiaca budzie praviedzieny pieraraźlik.«Siońnia mnie ciažka skazać — hetym zajmajucca ekanamičnyja słužby, jany pracujuć z univiersitetami, praviarajuć raźliki», — skazaŭ jon.
Apošni raz košt navučańnia ŭ VNU i siarednich śpiecyjalnych navučalnych ustanovach pavyšaŭsia 1 kastryčnika abo 1 listapada 2011 hoda (u zaležnaści ad rašeńnia administracyi ŭstanovy adukacyi). Pieraraźlik byŭ praviedzieny ŭ suviazi z pavieličeńniem z 1 kastryčnika 2011 hoda staŭki pieršaha razradu na 28%, cen i taryfaŭ na pasłuhi. Tady Ministerstva adukacyi rekamiendavała VNU i siarednich śpiecyjalnych navučalnych ustanovach nie pavialičvać košt navučańnia bolš čym na 25%.
Kamientary