Kab mieć mahčymaść bolš nabyvać u kałonii.
Jak paviedamiła žonka Mikałaja Dziadka Valeryja, na kaniec lutaha ŭ ich zapłanavana doŭhaterminovaje spatkańnie. Žančyna ŭ hetym bačyć mahčymaść nie tolki ŭbačyć muža, ale i pryvieźci jamu pieradaču. Ad žniŭnia Mikałaj pazbaŭleny takoj mahčymaści za parušeńnie režymu.
Valeryja paviedamiła, što palitviazień spravabaŭ trapić na pracu ŭ biblijateku. Ale biezvynikova. Rodnyja Mikałaja čakajuć pavieličeńnia bazavaj vieličyni ad 35 da 100 tysiač rubloŭ. Bo mienavita takoj sumaj jon abmiežavany ŭ mahčymaści nabyvać tavar u kałonii.
U Mikałaja Dziadka nadychodzić termin zamieny pakarańnia bolš miakkim. Pa słovach Valeryi, muž užo nie moža pretendavać na heta, bo maje mnostva parušeńniaŭ. Žančyna taksama paviedamiła, što termin zamieny pakarańnia nadychodzić i ŭ Alaksandra Fanrckieviča, asudžanaha pa adnoj spravie ź Dziadkom. Alaksandr u listach adznačaje, što, chacia ŭ jaho i niama parušeńniaŭ, kamisiju jon taksama nie spadziajecca prajści. Upeŭnieny, što ŭsie rašeńni adnosna jaho buduć prymacca nie ŭ kałonii, a «vyšej».
***
Mikałaj Dziadok i Alaksandr Franckievič asudžany pa spravie minskich anarchistaŭ na 4,5 i 3 hady adpaviedna. Ich abvinavacili ŭ arhanizacyi šerahu akcyj u 2009—2010: antymilitarysckaha šeścia pad Minabarony, napadzie na kazino «Šanhry Ła», padpale dźviarej filijała «Biełarusbanka», napadzie na pasolstva Rasii ŭ Minsku, napadzie na izalatar na Akreścina. Vinavatymi chłopcy siabie nie pryznali.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja82
Kamientary