Pravasłaŭnaja carkva adchryściłasia ad chramu ŭ honar Suvorava
7 sakavika ekzarchat aficyjna zajaviŭ: bažnica ŭ Kobrynie budzie ŭ honar Naradžeńnia Chrystovaha.
7 sakavika Biełaruskaja pravasłaŭnaja carkva vystupiła z aficyjnym adkazam na zvarot hramadzkich dziejačoŭ adnosna pabudovy ŭ Kobryni pravasłaŭnaha chramu ŭ honar Suvorava.
U svaim adkazie BPC zaznačaje, što havorka nakont nadańniu chramu imia Suvorava pakul nie viadziecca: «U Kobrynie z 2004 h. idzie budaŭnictva chramu ŭ honar Rastva Chrystovaha ŭ pamiać 60‑hodździa vyzvaleńnia Biełarusi ad fašysckich zachopnikaŭ. Ideja nadać carkoŭnamu budynku status Suvoraŭskaha chrama‑pomnika ŭźnikła ŭnutry niekatorych rasiejskich hramadzkich fondach i ruchach, a zatym była apublikavanaja na staronkach adnoj z rasiejskich hazet".
"BPC nia maje nijakich dakumentaŭ, jakija b śviedčyli, što namiery i prajekty, jakija źviazanyja z budaŭnictvam kobrynskaha chrama Rastva Chrystovaha ź imiem A.V.Suvorava, atrymali błasłavieńnie carkoŭnaha kiraŭnictva. U suviazi z hetym pytańni i kamentary pa dadzienaj temie pavinny być adrasavanyja da pieršakrynicy infarmacyi, a taksama da tych hramadzkich arhanizacyjaŭ, jakija inicyjavali i padtrymlivajuć dyskusiju pa hetym pytańni», - havorycca ŭ pres-relizie BPC.
❏
Staršynia Rady Zhurtavańnia biełarusaŭ śvietu «Baćkaŭščyna» Alena Makoŭskaja nastupnym čynam prakamentavała adkaz BPC:
«Ja vielmi zadavolenaja, što Pravasłaŭnaja carkva dała adkaz na naš zapyt, a taksama, što jana nia maje nijakaha dačynieńnia da hetych padziejaŭ. Ciapier čarha adkazać bieraściejskim i kobrynskim ŭładam. Liču, što ŭsio heta stała mahčyma ŭ tym liku dziakujučy našamu zvarotu da Fiłareta, a taksama dziakujučy aktyŭnaści hramadztva ŭ hetym pytańni».
Kamientary