Pra heta paviedamiła Radyjo Svaboda.
Praces pa ŭzmacnieńni nahladu dla byłoha palitviaźnia Paŭła Vinahradava mieŭsia pačacca siońnia ranicaj u sudzie Maskoŭskaha rajona Minska. Padstavami dla hetaha ličacca nieadnarazovyja parušeńni Kodeksu ab administratyŭnych pravaaparušeńniach z momantu jahonaj amnistyi 14 vieraśnia 2011 hoda. Tolki ŭ apošni čas jaho niekalki razoŭ zatrymlivali nibyta za brydkasłoŭje i prysudžali da administratyŭnych aryštaŭ. Sioleta jon adbyŭ u Centry izalacyi pravaparušalnikaŭ na Akreścina 25 sutak.
Kali previentyŭny nahlad budzie ŭzmocnieny, Pavieł Vinahradaŭ zhodna zKryminalna-vykanaŭčym kodeksam Biełarusi budzie abaviazany:
źjaŭlacca pa vyklikach u orhany ŭnutranych spraŭ i davać tłumačeńni pa pytańniach vykanańnia patrabavańniaŭ previentyŭnaha nahladu;
papiaredžvać orhan unutranych spraŭ ab źmienie miescaŭ pracy i žycharstva;
vyjazdžać za miežy rajona (horada) tolki sa zhody orhana ŭnutranych spraŭ.
Previentyŭny nahlad praduhledžvaje taksama abmiežavańni pa časie znachodžańnia za miežami žylla, a taksama zabaronu na naviedvańnie vyznačanych masavych mierapryjemstvaŭ dy inšyja abmiežavańni.
Nahadajem, što 15 sakavika ŭ sudzie Pierašamajskaha rajona Minska prajšło sudovaje pasiadžeńnie, pa vynikach jakoha byŭ ustalavany previentyŭny nahlad terminam na 1 hod za byłym palitviaźniem Uładzimiram Jaromienkam.
Kamientary