Niekalki pamyłak z publikacyj u hazecie. Z pošty Redakcyi.
«Apošnija hady časta zadajusia pytańniem: što takoje svaboda?» U našaj movie «zadavacca» heta pryblizna toje, što ŭ rasiejskaj «hordiťsia». Pravilna ŭ vas u tym samym numary: «Adnak u Miensku nichto nie zadavaŭ takich pytańniaŭ».
«…načalstvu, jakoje spaviadaje tolki adzin pryncyp…» Spaviadajuć hrešnika (čałavieka), a pryncypaŭ prytrymlivajucca (abo parušajuć) biaz spoviedzi.
«A biełaruskuju movu vučać rasiejcy j buraty». Vučać vučniaŭ, studentaŭ, a movu vyvučajuć. U vas pierakład niepiśmiennaha rasiejskaha. U vas ža jość i: «U vilenskich tralejbusach vučać movam» (tut ža ludziej vučać, a nia movu)
«U 1982 pastupaje ŭ Ryskuju duchoŭnuju seminaryju, skančaje ŭ 1987». Dziejasłoŭ «skončyć» zakončanaha tryvańnia, tamu jon nia maje formy ciapierašniaha času, jak i «končyć». A voś «kančać» — maje: ja kančaju, jon kančaje. «Zakončyć» taksama nia maje ciapierašniaha času, a «zakančvać» — maje: zakančvaje. Voś i vybirajcie: kančaje, zakančvaje. Tut niama ni składanaści, ni idejnaj padkładki.
Kamientary