Biełkaapsajuz zakupiŭ u nasielnictva čarnic na tracinu bolš, čym letaś
Na 13 lipienia ŭ nasielnictva zakuplena 2,4 tys. ton čarnic, što na 30% bolš, čym na anałahičnuju datu ŭ 2011 hodzie.
Košt 1 kh jahad składaje ad 15 da 20 tys. rubloŭ. Najbolš aktyŭna zakuplajuć čarnicy pradpryjemstvy Bresckaj (470 ton), Hrodzienskaj (420 ton) i Minskaj (415 ton) abłaściej. Płanujecca, što narychtoŭka hetych jahad budzie doŭžycca da kanca lipienia.
Pradpryjemstvy taksama aktyŭna zakuplajuć čyrvonyja i čornyja parečki. Čyrvonyja prymajuć, u zaležnaści ad rajona, pa 3–5 tys. rubloŭ za kiłahram, čornyja — pa 3–5,5 tys. Višniu i čarešniu prymajuć pa 3,5–5 tys. za 1 kh.Hetych jahad narychtavana 75 ton, što ŭ 1,7 razu bolš, čym na anałahičnuju datu ŭ 2011 hodzie.
Akramia taho, pradpryjemstvy kaapieracyi zaviaršyli narychtoŭku sunic sadovych (kłubnic), u dva razy pieravysiŭšy pakazčyk 2011 hoda (1,8 tys. ton, abo 203%). U tym liku kłubnic tavarnych narychtavana 360 ton, što ŭ 4,7 razu bolš, čym letaś.
Viadziecca narychtoŭka aharodniny. Košt ahurkoŭ, jakich užo narychtavana 3,2 tys. ton, składaje 2–2,5 tys. rubloŭ, kapustu prymajuć pa 3,5 tys. za 1 kh.Jaje narychtavana 1,6 tys. ton. Tamaty pradpryjemstvy zakuplajuć pa 9–10 tys. rubloŭ za 1 kh.
Pačałasia narychtoŭka hryboŭ. Košt 1 kh lisičak składaje 20–25 tys. rubloŭ.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma14
Kamientary