Dziaržbiudžet na 2004 h. budzie balansavać na chistkim zamiežnym handli, kinie tryljon u stratny ahrapramkompleks, uskładnić umovy dla pryvatnaha pradprymalnictva.
Adnačasova ŭ jaho zakładzienyja najbolšyja za čatyry hady vydatki na zarobki biudžetnikam, sacyjalnyja patreby, žyllovaje budaŭnictva. Biudžet-2004 dla «NN» analizuje ekanamist Uładzimier Valetka.
U 2004 h. dachody kansalidavanaha biudžetu Biełarusi prahnazujucca ŭ pamierach 19 trłn rub., što składzie 42,1% vałavoha ŭnutranaha praduktu krainy. Raschody kansalidavanaha biudžetu składuć 19,7 trłn rub. Biudžet, takim čynam, budzie deficytnym: raschody na 690,2 młrd rub. pieravysiać prybytki. Na ščaście, narešcie z krynicaŭ finansavańnia deficytu biudžetu vyklučanaja emisija Nacbanku, jakaja štohod spryčyniałasia da rostu inflacyi ŭ krainie.
Nienadziejny zamiežny handal
Ličba rostu VUP, pamier jakoha źjaŭlajecca asnovaj planavańnia dachodaŭ biudžetu, vyklikaje sumnievy. Heta paćviardžajecca i strukturaj dachodaŭ biudžetu: pry roście dachodaŭ dziaržavy na 10% udzielnaja vaha padatkaŭ na prybytak i dachody, naadvarot, planujecca mienšaj. Ciažka ličyć realistyčnym i toje, što 65% deficytu biudžetu (451,7 młrd rub.) budzie prafinansavana z-za miažy. Hetyja sumnievy paćviardžaje dośvied pakryćcia deficytu ŭ 2002 h., kali pa artykule «Inšyja krynicy zamiežnaha finansavańnia», zaplanavanym u pamiery 161,4 młrd rub., było atrymana ŭsiaho 5,7% ad sumy.
Poŭny varyjant artykułu hladzicie ŭ hazecie "Naša Niva".
Uładzimier Valetka
Ciapier čytajuć
Biełarusy sustrakajuć vyzvalenych palitviaźniaŭ u Vilni FOTY i VIDEA4
Kamientary