Sprava Karalenki skončyłasia łahodnym — try bazavyja vieličyni — štrafam, jak za drobnaje chulihanstva. Ale byŭ pryznany toj fakt, što raspaŭsiudžvańnie muzyčnych fajłaŭ u Internecie — pravaparušeńnie.
Miž tym u našych umovach raspaŭsiudžvańnie muzyki, litaratury, infarmacyi praź Internet — sprava nia tolki patrebnaja, ale i karysnaja.
Narešcie prahres dajšoŭ i da Biełarusi! Padobnyja pytańni turbavali cyvilizavany śviet ź siaredziny 90-ch, kali zorki šoŭ-bizu padzialilisia na dźvie častki: adny kazali, što raspaŭsiud ich tvoraŭ praź Internet (niachaj i biez dazvołu) budzie tolki spryjać papularnaści, druhija, jak, naprykład «Metallica», byli kateharyčna suprać, nazyvajučy raźmiaščeńnie ich tvoraŭ u farmacie .mp3 piractvam.
Naturalna, što źjaŭleńnie muzyki ŭ Internecie baluča ŭdaryła pa bujnych hukazapisvalnych kampanijach, bo źjaviłasia alternatyva SD: ciapier kožny amal za biaspłatna moža zapisać sabie zbornik. Kolkaść sajtaŭ z muzykaj u .mp3 niaŭmolna raście i navat składaje kankurencyju parnasajtam. Muzyčnaja hramadzkaść musić z hetym faktam paprostu źmirycca, niekatoryja ž zorki navat pačali zapisvać internet-albomy. Zusim niadaŭna, naprykład, Džordž Majkł abviaściŭ, što jahonyja novyja pieśni možna budzie znajści tolki ŭ Internecie, na dysku vydavacca jany nia buduć.
Poŭny varyjant artykułu hladzicie ŭ hazecie "Naša Niva".
Siarhiej Budkin, [email protected]
Piaciorka samych papularnych internet-sajtaŭ, dzie možna znajści .mp3 ajčynnych muzykaŭ (pavodle Akavita.by):
1) Music.tut.by;
2) Music.fromby.net;
3) Westrecords.by;
4) Tvr.by/rus/crossparad;
5) Pesniary.com
Kamientary