Premjery Narvehii Jens Stołtenberh i Polščy Jarasłaŭ Kačyński abmierkavali ŭdzieł polskaha boku ŭ raspracoŭcy hazavych radoviščaŭ u Barencavym mory.
Ministar ekanomiki Polščy Piotar Voźniak, jaki ŭdzielničaŭ u piatnicu ŭ spatkańni ŭ «vuzkim kole» premjeraŭ Kačyńskaha i Stołtenberha, skazaŭ, što značnaja častka hutarki tyčyłasia enerhietyčnych pytańniaŭ.
Narvehija maje vialikija radoviščy hazu. Dyversyfikacyja krynicaŭ enerhii — važny kirunak połskaj palityki.
Kolki dzion tamu pradstaŭniki polskaj kampanii PGNiG dałučylisia da kansorcyjumu Skanled, jaki naličvaje 15 kampanijaŭ (pamiž jakimi Statoil, E.On., Ruhrgaz) i maje na mecie pabudavać hazapravod z radoviščaŭ u Paŭnočnym i Narveskim mory, u tym liku z radoviščaŭ na šelfie, jakija kupiła PGNiG. Kampanija atrymała 15% udziełaŭ u kansorcyjumie Skanled.
Skanled budzie prachodzić uzdoŭž paŭdniovaha ŭźbiarežža Narvehii. U pralivie Katehat budzie razhalinoŭvacca na danskuju i švedzkuju systemy. Paśla ŭźniknieńnia hazapravodu Baltic Pipe haz z dackaj systemy moža transpartavacca na polskaje ŭźbiarežža.
«Premjer Stołtenberh pierakonvaŭ nas investavać u radoviščy ŭ Barencavym mory. Adnak, uličvajučy panujučyja tam vielmi ciažkija ŭmovy, heta hihanckija vydatki — u 10 razoŭ bolšyja, čym na šelfie»? — skazaŭ Voźniak.
Ministar sumniajecca, kab polski manapalist — kampanija PGNiG — mahła ŭ dadzieny momant vydatkavać dadatkovyja hrošy, uličvajučy abaviazki, źviazanyja miž inšym z nabyćciom radoviščaŭ na šelfie, prajektam budaŭnictva terminału LNG, uvachodam u kansorcyjum Skanled. Kampanija miž inšym musić vydatkavać na hetyja investycyi da 2015 h. 7 młrd. dalaraŭ.
Čamu YouTube vydaliŭ kanały BiełTA, STB i ANT? Voś što viadoma4
Kamientary