21 кастрычніка ў Цэнтры Cучасных Мастацтваў стартаваў выставачны праект бразільска-беларускага street art фестывалю VULICA BRASIL, арганізаваны Амбасадай Бразіліі ў РБ.
Адкрыццё сабрала неверагодную колькасць моладзі, было цяжка падыйсці да экспанатаў. Цікавасць зразумелая, бо фестываль прапанаваў агульную пляцоўку для працы дзвюм краінам з такім розным стаўленнем да стрыт-арту: гарадское мастацтва ў Бразіліі падтрымліваецца на дзяржаўным узроўні, наш стрыт-арт пакуль сціпла марыць. Акрамя таго, бразільскія мастакі, якія прыехалі ў Беларусь для ўдзелу ў мерапрыемстве – імёны міжнароднага ўзроўню.
Экспазіцыя збіраецца жыць у літаральным сэнсе. Кожны наступны дзень будзе прыносіць змены, трансфармацыі і эксперыменты. За тым, як мастакі мяняюць экспазіцыю на працягу фестывалю, можна сачыць тут: www.facebook.com/vulicabrasil, http://instagram.com/vulicabrasil
Дзіўныя сюрпрызы чакаюць нас на фасадах будынкаў Фабрычнай-22, Кастрычніцкай-16 і Энгельса-34.
Праграма фестывалю:
22 кастрычніка ў 18.00 – мультымедыя-прэзентацыя праекта «Vulica Brazil» і творчая сустрэча з бразільскімі мастакамі Валтэрам «Tinho» Намура з Сан-Паулу, Ражэрыо Фернандэсам з Белу-Арызонці ў кінаклубе «Blow up» Цэнтра Сучасных Мастацтваў.
23 кастрычніка ў 20.00 – творчы арт-вечар у «Хулігане» (вул. Кастрычніцкая 16). Уваход вольны.
29 кастрычніка ў 18.00 – паказ кінафільмаў пра вулічнае мастацтва і іх абмеркаванне ў кінаклубе «Blow up» Цэнтра Сучасных Мастацтваў.
30 кастрычніка ў 18.00 – лекцыя мастацтвазнаўцы, куратара выстаўкі Камілы Янушкевіч пра гісторыю беларускага стрыт-арту, прэзентацыя праектаў беларускіх мастакоў і супольнасці «Signal».
31 кастрычніка ў 18.00 – сучасныя інтэрактыўна-адукацыйныя курсы беларускай мовы «Мова нанова»з тэмай «Мастацтва вуліц». Выкладае Юля Траццяк (Баранавічы). У 20.00 – стрыт-арт аўтапаці ў Чырвоным дворыку (Рэвалюцыйная, 7).
6 лістапада ў 18.00 – закрыццё выставачнага праекта ў Цэнтры Сучасных Мастацтваў.
9 лістапада – інсталяцыя макета бразільска-беларускага горада на плошчы Якуба Коласа.
Цэнтр Сучасных Мастацтваў, г. Мінск, вул. Някрасава, 3.
Час працы: 11.00 – 19.00.
Выхадныя: нядзеля, панядзелак.
Уваход вольны.
Даведкі па тэл. 262-62-15, 292-93-36.
Здымкі з адкрыцця выставы:
«Месяцами в кабине, на себя забил. И стал спрашивать: может, жена тоже будет работать?». Почему эмиграция разбивает семьи и что делать, чтобы все исправить3434
Комментарии