Галерэя сучаснага мастацтва «Ў» сумесна з кампанiяй velcom запрашае дзетак і бацькоў на традыцыйны калядны фестываль – час прыгод і сюрпрызаў, чароўных падарункаў і захапляльных майстар-класаў у «ГОРАДЗЕ ЦУДАЎ»!
Як ствараць казачных герояў і чарадзейныя рэчы, як зрабіць самы лепшы падарунак для сябра і самую незвычайную паштоўку для бацькоў – усё гэта пакажуць і распавядуць прафесійныя майстры, якiя зладзяць серыю майстар-класаў для малых наведвальнікаў фэста па роспiсу драўляных фігурак, падрыхтоўцы эка-гірлянд, папяровых ялінак, натхняльных таблічак i iншых падарункаў.
Разам з галоўным партнерам фэсту – кампанiяй velcom – дзецi трапяць у цудоўную «разумную школу» velcom smart children school i даведаюцца, як правесьцi цiкава i карысна час з мабiльным тэлефонам альбо планшэтам, створаць «геройскiя» паштоўкi, якiя пасля фэсту будуць адпраўлены адрасатам, разам з бацькамi змогуць прыняць удзел у зборы адпрацаваных батарэек, выкiнуўшы iх у спецыяльны кантэйнер.
НПО «Грансістэма», партнер фестывалю, дапаможа дзеткам зладзіць падарункi да свята!
Гледачоў i наведвальнiкаў фестывалю ў галерэі сучаснага мастацтва «Ў» чакае праграма з каляднымі спевамі, танцамі і гульнямі ад электроннага праекту ŠUMA voices і дзіцячага фальклорнага ансамблю «Весянчук». Дзеткі даведаюцца пра тое, як нашыя продкі святкавалі каляды, пазнаёмяцца з каляднымі сімваламі і даведаюцца пра іх сэнсы, а таксама навучацца традыцыйным танцам і паўдзельнічаюць у гульнях.
Суправаджэнне праграмы – візуальная інсталяцыя ад vj Настассi Казлёнак.
Сярод iншых забаў – гэта майстар-клас «Як пабудаваць замак» у субботу, 20 снежня, у 14:00 у кнігарні «ЛогвінаЎ» i там жа, у нядзелю, 21 снежня, – чытанні дзіцячых кніг і літаратурныя сюрпрызы.
Увесь час будзе адчыненая крама дызайнерскіх рэчаў «Ў», дзе можна будзе набыць для дзетак цацкі, упрыгожванні і іншыя прыемныя рэчы ад беларускіх дызайнераў: для тых, хто яшчэ не вызначыўся са святочным падарункам – гэта безліч варыянтаў святочных сувеніраў!
Комментарии