Tequilajazz и Лявон Вольский снялись в промо-видео концерта Tonqixod.
Вядомыя рок-музыкі аб’ядналіся для таго, каб падтрымаць першы вялікі сольны канцэрт маладога мінскага рок-гурта Tonqixod, уладальніка тытула «Найлепшы рок-альбом — 2014» на ўзнагародах Experty.by. У роліку таксама зняўся Сяргей Філімонаў, аўтар і вядучы праграмы «Відзьмо-невідзьмо».
Канцэрт з’яўляецца прызам ад грамадскай кампаніі «Будзьма беларусамі» за перамогу ў намінацыі «Найлепшы беларускамоўны альбом» на ўзнагародах Experty.by. Мерапрыемства адбудзецца ў межах акцыі «Жывы тузін», якую ладзіць партал Tuzin.fm.
«Не хачу перахваліць, але гэта надзея нашай музычнай сцэны… Бо гук свежы, вынаходлівы, мудрагелісты і ўсё гэта робяць маладыя хлопцы. Малайцы», – заўважыў ў прома-роліку Сяргей Філімонаў.
«Гэта сапраўдны беларускі музычны брэнд. Усім раім паслухаць. Пачніце з мегахіта «Насыплем горы»», – сказалі ўдзельнікі Tequilajazzz Яўген Фёдараў і Аляксандр «Дусер» Воранаў.
Лявон Вольскі праанансаваў будучы канцэрт з дапамогай асабіста намаляваных тытраў.
Першы вялікі сольны канцэрт Tonqixod адбудзецца ў гэты панядзелак – 20 красавіка. Гурт складаюць Уладзь Лянкевіч (вакал, гітара), Максім Субач (другі вакал, клавішныя, бас) і Андрэй Аляксеенка (бубны). На рахунку калектыва перамога ў намінацыі «Дэбют года» на прэміі «Даём рады» (2014), а таксама чатыры ўзнагароды на прэміі Experty.by (2015) за дыск «Прадмова», выдадзены ў снежні 2014.
Паслухаць альбом можна тут.
Гурт TONQIXOD з прэзентацыяй альбома «Прадмова»
20 красавіка – Мінск, Рэспубліканскі тэатр беларускай драматургіі (Крапоткіна 44) – 19.00
Квіткі: ад 80 да 120 тыс. руб. Продаж: Ticketpro.by, Kvitki.by,Bileti.by, Bycard.by, а таксама ў касе тэатра.
Інфалінія: (029) 687 20 93. Каса тэатра: (017) 385 97 51, (029) 154 04 44.
Комментарии