Спявачка сустрэнецца са сваімі прыхільнікамі ў кнігарні «Логвінаў» (Мінск, пр-т Незалежнасці, 37а) з нагоды выхаду дыска «Бясконцы красавік».
Напярэдадні канцэрту Паліна Рэспубліка дае аўтограф-сесію ў кнігарні «Логвінаў» сёння, 12 мая ў 19.00.
Менавіта ў гэты час стартуе продаж яе дэбютнага дыску «Бясконцы красавік», над якім некалькі год вялася праца. Паліна абяцае адказаць на ўсе пытанні, падпісаць усе дыскі і крыху паспяваць. Акрамя таго, падчас сустрэчы можна будзе набыць квіткі (без камісіі) на жывую прэзентацыю альбома 15 мая ў Studio67.
«Выхад дыска — гэта падзея, якую мы самі чакалі вельмі доўга. Аніякіх каардынальных зменаў фармату ці прынцыпова новых рэчаў не плануецца. Мы будзем такімі, якімі нас ведаюць і, спадзяюся, любяць», – заяўляе спявачка.
Комментарии