«Хроники Нарнии» изданы по-белорусски — 17 сентября в «Академкниге» старт продаж
«Акадэмкніга» (пр.Незалежнасці, 72). Пачатак у 12:00.
17 верасня, у суботу, а 12.00 адбудзецца прэзэнтацыя і старт продажаў кнігі «Хронікі Нарніі. Пляменнік чараўніка».
У дзень прэзэнтацыі дзейнічаюць спецыяльныя цэны на кнігу.
Больш за тое, кожны, хто набудзе кнігу ў гэты дзень, атрымае падарунак ад ініцыятараў выдання.
Там жа, у «Акадэмкнізе», будзе праходзіць аўтограф-сесія перакладніцы першай часткі «Хронік» Надзеі Кім.
Прыходзіць у кнігарню ў суботу, 17 верасня, можна на працягу ўсяго дня — з 12:00 да 17:00. Калі не ўдасцца — можна замовіць кнігу наўпрост праз сайт narnia.by.
«Хронікі Нарніі» — залатая класіка літаратуры. К. С. Льюіс разам з Дж. Р. Р. Толкінам (аўтар трылогіі «Уладар пярсцёнкаў») лічацца заснавальнікамі і найлепшымі прадстаўнікамі жанра фэнтэзі.
Серыя з сямі кніг пра Нарнію мае вялікую папулярнасць ва ўсім свеце. За гэты час было прададзена 120 мільёнаў копіяў на 41 мове. Цяпер знакамітыя «Хронікі Нарніі» выходзяць і па-беларуску. «Пляменнік чараўніка» — першая кніга з серыі.
Кніга выйшла з малюнкамі Паўліны Бэйнс, якімі было аздоблена самае першае арыгінальнае выданне «Хронік».
Паводле ініцыятараў выдання, Аляксея Шэіна і Андрэя Кіма, да друку рыхтуецца другі том серыі: знакамітая кніга «Леў, Вядзьмарка і гардэроб».
Комментарии