«Chroniki Narnii» vyjšli pa-biełarusku — 17 vieraśnia ŭ Akademknizie start prodažaŭ
«Akademkniha» (pr.Niezaležnaści, 72). Pačatak u 12:00.
17 vieraśnia, u subotu, a 12.00 adbudziecca prezentacyja i start prodažaŭ knihi «Chroniki Narnii. Plamieńnik čaraŭnika».
U dzień prezentacyi dziejničajuć śpiecyjalnyja ceny na knihu.
Bolš za toje, kožny, chto nabudzie knihu ŭ hety dzień, atrymaje padarunak ad inicyjataraŭ vydańnia.
Tam ža, u «Akademknizie», budzie prachodzić aŭtohraf-siesija pierakładnicy pieršaj častki «Chronik» Nadziei Kim.
Prychodzić u kniharniu ŭ subotu, 17 vieraśnia, možna na praciahu ŭsiaho dnia — z 12:00 da 17:00. Kali nie ŭdascca — možna zamović knihu naŭprost praz sajt narnia.by.
«Chroniki Narnii» — załataja kłasika litaratury. K. S. Ljuis razam z Dž. R. R. Tołkinam (aŭtar tryłohii «Uładar piarścionkaŭ») ličacca zasnavalnikami i najlepšymi pradstaŭnikami žanra fentezi.
Sieryja ź siami knih pra Narniju maje vialikuju papularnaść va ŭsim śviecie. Za hety čas było pradadziena 120 miljonaŭ kopijaŭ na 41 movie. Ciapier znakamityja «Chroniki Narnii» vychodziać i pa-biełarusku. «Plamieńnik čaraŭnika» — pieršaja kniha ź sieryi.
Kniha vyjšła z malunkami Paŭliny Bejns, jakimi było azdoblena samaje pieršaje aryhinalnaje vydańnie «Chronik».
Pavodle inicyjataraŭ vydańnia, Alaksieja Šeina i Andreja Kima, da druku rychtujecca druhi tom sieryi: znakamitaja kniha «Leŭ, Viadźmarka i harderob».
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary